المهم بدش في الموضوع عن تعصبون عليه
انا هاي الفتره ملقبيني مصلحه اجتماعيه خخخ احم احم ولله الحمد اني ثقه ويرتاحون لي
المهم هاي مشكلة وحده وعرضت عليها اني اعرضها لكم وماكان عندها مانع
وتراها بدش تقرى الردود باذن الله
تراني مسويه كوبي بيست لكلامها يعني هي اللي كاتبته اجوف وحده تغلط وتحسب السالفه سالفتي هههه
انا وحده ماعندي ثقه بروحي ماعرف ليش دوم اجوف عمري مو حلوه مع اني فيني نسبه من الجمال ولله الحمد
المهم
ان في واحد احبه ويحبني ونبا نجتمع بالحلال باذن الله بس دوم افكر اقول لو شافني بيغير رايه لنه هو احلى مني
وهو مو هامه الشكل بس انا جي وسواسيه لدرجه كبييييييييييييره
تدرين لدرجة شو اني مرات ااستغفر الله اشك ان دعواتي ماراح تستجاب استغفر الله انا بنت ناس وعارفه ربي
بس يوم ايجيسني احباط الدنيا كلها تظلم بويهي
انا دوم ادعي ربي يجمعني ويا هالشخص ونجتمع بالحلال لن صج بدونه احس اني بموت تدرين
انا قبل ماكنت جي من عقب ما حبيته تغيرت وصرت اهتم بصحتي وبجمالي واسويلي خلطات عسب احلم البس الفستان الابيض واستوي عروس غاويه
بس مرات يوم ادعي جي اوسوس ان الله ما بيستجاب دعائي وعادي انصدم وانا مابي هالشي انا وايد جفت بلاوي بحياتي
خاطري ارتاح واستقر نفسيا
ارجوج قوليلي اشقايل اثق بربي واشقايل اثق بروحي واشقايل ادعي واحس ان دعايه خلاص بيستجاب
ارجوج ابا استمر عصلاتي ابي ارد شرات اول ابي اتقرب من ربي واحلامي اللي احلم بها تتحقق
بس كيف احققها ساعديني …..
هذي سالفتها خواتي
وانا نصحتها عدة نصايح وبغيت بعد منكم ما تقصرن وياها لنها بدش تقرى الردود
بس رجاااااء منكم عدم التجريح رجاء خاص حطو براسكم ان محد كامل لا انتي ولا انا ولا هي
بس علي عتب عليها ..
ليش بالأساس تعرفت عليه بطريقه خااطئه ..
انا اثق ف الزوآج التقليدي ..عن طريق الأهل وجي يخطبون للريـــآل ..
بس ربي يوفقها ..وتنااال اللي تبااه ..
دمتي بحفظ الرحمن
كل الخوف فيها انه ما يتقبلها ..بعدييين هذي خلقت ربج لا اعتراض..والحمد لله على كل حال..
..الله يجمع بينهم على ما يحب ويرضاه..
اما شكها فربها بسبة انها بعيد عنه..يعني تقول ابا احافظ على صلاتي وربي ما بيستجيب دعاي..
لانها حاسة بتقصير صوب ربها..
اطمني حبيبتي ربج كريم ويرزق من يشاء بغير حساااب..
كل ما عليج تسوينه ..انج تحسنين الظن بربي و تصلين ركعتين وتستغفرين ربج وتبدي صفحة يديدة معاه.. وحاولي تتقربين من ربج اكثر .. والله ما يخيب رجاج وهو السميع المجييب ..
ونحن ضعاااف منو لنا غير الله سبحانه..
وخلي الشك هذا شيطاان يوسوس لج..لا تسمعي له وتعوذي منه..
والله يجمع بينكم عاجل غير اجل ويوفقج ويسعدج دنيا واخرة..
هي بالأول غلطــــانة ..
لكـــن تستخير وتتوكل على رب العالمين
والله يتمم لها على خير