كيفكووون
مثل ما قريتو معاناتي مع الايلتس الاكاديميك
واللي ما قرت الموضوع
https://forum.uaewomen.net/showthread.php?t=637622
الحمدلله رب العاااااالمين
له الحمد والشكر كله بفضله
كان امتحاني 27-2-2010
ونشيت وانا استغفر وسرت قدمت الامتحان والصراحه الرايتنق كان صعب < ماعرفت شو طالبين منا في الرايتنق بس كتبت كل اللي عندي واستخدمت كلمات الربط وهالسوالف
وامس قبل لا ارقد كنت اقول في خاطري " قل لن يصيبنا الا ما كتب الله "
واقول في خاطري ما بزعل اذا ما نجحت
وكل ما انش ارددهااا
المهم وصلني مسج ع الساعه 9 ونص الصبح ( كنت راقده ما داومت اليوم )
فتحت المسج كان مكتوب النتايج معروضه ع الموقع
قلبي انقبببض
واللاب يشتغل عندي سيده حدرت الموقع وكل ما ادخل ما يستوي وحاولت ما استوى
جان ارد احط راسي واقول احسن لا تظهر ماباها تظهر
5 دقايق ورديت اشيك بعد ما يستوي
واعصابي انحررقت
وارد احط راسي وراااسي يدووور واقول قل لن يصيبنا الا ما كتب الله
شوي وفوني يرن وحده من ربعي
شفت الرقم قلت مابرد.. اكيد بتسألني عن النتيجه وانا في حالتي جيه
تمت تدددق .. جان اردد
قالت لي مبرووووووووووووووووووووووووووووووووووك
انا فتحتتتت عيوووني قلت لها شو مبرووك قالت لي انا جيكت لج انتي ناجحه
قلت لها لاااا شو تقولين لا لحظه كيف
قالت لي والله انج يايبه كلللهم فوق ال5 ومجموووعج 5.5
انا : لااا وفيني صيحه اقولها انزين كيف اقري اسمي كااامل
وتمت تقراا لي اسمي كااامل
اقولها انزين اقري لي الدرجات مره ثاانيه
وتمت تضحك وقرتهم لي
قلت لها ياله خليني ابشر اهلي
وطلعت بكشتي وبدون عدسات
رحت وعيت ابوي اقوووله قووم نجححححت قالي الحمممدللله رب العالمين " ونش
رحت عند امي اقووولها انا نجججحت
وصوووتي احس يرقل " والله كان فيني صييحه قالت لييي مبروووووووووووك افتكيتي من الهممم
ورجعت الحجره اركض " ياني الشككك ابا اشوف النتيجه بعيوووني
كل ما ادخل ما يستوي دقيت لربيعتي مره ثااانيه قالت لي بصورج لج الصفحه قلت لها اوكي
وبندت وشيكت ع رقم الجواز طلع اللي ادخله غلط
دخلته وطلعععت نتييجتي
ويااااااااااااااااااااااااااربي فز قلبييييييييييييييي
السبيكنق 6
اللسسننق 5
الريدنق 5.5
الرايتنق 5
المجموع : 5.5
الحمدلللللللله لك ياااااااااااااارب الحمدللللللللللللللله
ربي جازاني بعد المعاناه
ربي جازاني لاني توكلت عليه
ربي جازاني لاني حمدته
ربي جازاني لاني توكلت عليه
ربي جازاني لاني احسنت الظن فيه
اللهم لك الحمد والشكر
وصليت ركعتين شكر لله
الحمدلله وخلصت قصتي مع الايلتس
" دعوااااااااااااااتكم لربيعتي تنجح لانها ما عدت "
الله يوفقهاا ان شاااء الله خلها تشد حيييلهاا ..
الله يعييييين عيييل انا شو بقووول خخخ
اوني ان شاءالله افكر اخذ الايلتس حق الكلييه ما بيدخلوني اول هالشهاده ..
بليييز اريد اعرف هو صعب ولاا كيف يكوون ..
شوفي ع حسب شو امتحانج جينيرال او اكاديمك
الاكاديمك شوي اعلى واصعب
بس الجينيرال بسيط
قدمييه واهم شي تكونين راجعتي وتكون لج قدره في كل المهارات وربج معاااااج =]
قريت معاناتج مع الايلتس ..الحمدلله انج نجحتي وانا اتريا الحين بتنجح الحين بتنجح ههههه
يالله مبرووووووووووك مره ثانيه بالتوفييق ان شاء الله الله يحقق لج اللي تبييينه يارب ..
ع حسب شو يطلبون منج الجامعه او الكليه او حق الوظيفه
مثلا الدبلوم " جينيرال
دبلوم عالي " اكاديمك 5.5
بكالريوس اكادميك 6 وفوق
والله ذكرتي بمعاناتي ويا الايلس
الحمدالله يوم عديناه
المشاركة الأصلية كتبت بواسطة الدانه 
ع حسب شو يطلبون منج الجامعه او الكليه او حق الوظيفه
مثلا الدبلوم " جينيرال
دبلوم عالي " اكاديمك 5.5
بكالريوس اكادميك 6 وفوق
انا دبلوم الكليييه لازم اخذ هالشهاده عشان ادخل لاني وقفت الكليه سنه ههههه وقالو ماينفع امتحان السيبا ..