دائما احس اني ودي اتطلق واعيش بروحي …ليش اظلم نفسي واظلم هالاانسان زوجي وياي ورب العالمين بيحاسبني ان قصرت في حقه عشان جيه افكر انفصل عنه…. ماحس ان زوجي عوضني عن الماضي نحن مختلفين واااايد عن بعض في كل شي …. يمكن لاني تزوجت بسرعه عشان انسى تجربتي الفاشله وعدم ارتباطي بالشخص الي تمنيته طول حياتي للعلم ماصار نصيب وكلن راح في حال سبيله….ولاني كنت صادقه في مشاعري احس ماراح اقدر انسى هالتجربه
انا الحمدلله اخاف ربي وماارح تكون لي اي صله بهالشخص بس دوم افكر اعيش بدون ريل ومسئوليه
انا عندي نقص كالسيوم وفايتمين د بسرعه اتعب من اقل مجهود .. حتى زوجي يوم يبا حقه الشرعي مااكون قادره بس اداء واجب …بكون صريحه مع نفسي انا مب قد المسئوليه بيت وزوج وعيال ….وللعلم انا مب صغيره انا في الثلاثينات فليش اظلمه وياي
الحمدلله الله رزقني بعيال افكر اعيش وياهم واربيهم وبس
اكيد انا بسال اهل الشرع في الموضوع وبستخير ..بس ابا ارائكم هل تشوفون ان هالاسباب مقنعه للطلاق ؟؟
السبب: عدم مقدرة الزوجه على القيام بحقوق وواجبات زوجها وخوفها من التقصير في حق الزوج
وهل تفكيري غلط !
ملاحظه :النك نيم مب حقي حق احدى قريباتي
تفكيرج وايد غريب
انتي متزوجة وعندج منه عيال تبين تتطلقين بدون سبب
ماله ذنب زوجج انه يستحمل ماضيج حرام
انسي الماضي خلاص فريه ورى ظهرج
بنفسج قلتي ( مااضي )
يعني خلاص مابيرجع .. !
الحين انتي عند ريلج حاولي بأي طريقه ترظينه
واذا عن الفيتامينات اختي هذا مب عذر
وايدين واييييديين واااااااايدين فيهم نقص !
بس ماقالوا بنتطلق !!!
اسمحيلي السبب موول مب مقنع مول
واساسآ مايتسمى سبب !!
شو المشكله !!!!!!
تقدرين تتعالجين وتخاذين فيتامينات
روحي عند اي دكتورة متخصصه بهالسوالف
اتعالجي .. !!!!! الصراحة اسمحيلي شي غريب !!!!!!!!!!!!!!
واهتمي بريلج
ترى مالج الا ريلج يستر عليج بهآلدنيا مهما كان
واذا عن الخلافات طبيعي بتكون بينكم خلافات اذا انتي محطيه في بالج ماتبينه وتبين تطلقين
مابتعبين عمرج وادورين حل لهالخلآفات !
شلي هالافكار من بالي
واهتمي بنفسج وريلج
لا مب سالفة الفايتمينات
لكن سالفة الوحده الي تخاف تقصر في حق الزوج
ماتشوفون ان ها سبب ؟؟
اذكر في قصه على عهد سيدنا عمر بن الخطاب انه يتله حرمه تشتكي انها ماتتقبل زوجها و
تخاف تقصر في حق زوجها وتريد الطلاق منه شي جيه مااذكر القصه بالضبط