خواتي الحبيبات
بما ان شهر الكرم والعبادة يحث على صلة الرحم قريب
حبيت اهنئكم مقدما وعسى ان يجعله شهر خير وصلاح وهداية
بهالمناسبة احب انقل لكم بعض الافكار اللي تهدينها لاقرب حرمتين عليج
امج وخالتج ام زوجج والحريم اللي لهم مكانه في قلبج 
———————
الهـدية اللي تباركين لهم بشهر الرحمة وهنا تجدين افكار كثيرة وللامانه نقلتها لكم لاني احبكم
واتمنى انها تعجبكم وتزيد المحبة بينكم :
مثلا يمكن ان تهدينهم بمناسبة الشهر الفضيل سجادة صلاة مع ثوب على اسمهم و صندوق فيه مصحف وأشرطة ختمة وكتيبات أدعية
وعندج هيل وزعفران والتمر الاصلي وماي ورد وماي لقاح في طاسات مشكلين
او خاتم ذهب
واذا تحب المواعين اشتري طقم ناعم مثلا مطارات حلوه
او عبااااية وشيلة
او بخور عجيب وشكلة حلو وتقدرين تاخذين لهم قطعة خامة
انتي اختاري حبيبتي اللي يناسب كل وحدة
صواني تقديم فناجين وإستكانات
دراعه حق الأستقبال ومعاها ثوب مسرح اسود
طقم مبخر
وعندج فكرة حلوة ثانية وهي انج تشترين لها الاساسيات حق ارمضان مثل جريش وهريش واشياااااء ثانية وتحطيتهم بصندوووق مبيت وتهدينهم اياه
وبعد طبق قديم كبير فيه كل الحلو القديم اصغاااار مثل عندنا في الكويت (درابيل حلوى خدود البنات زلابيا رهش )
انا حطيت الموضوع واتمنى انه يفيدكم وتقولون لي رايكم
شكرا جزيلا
الافكار وايد حلوه
واتمنى لج حياة سعيدة يارب
وهذه الهدايا تفيد في مناسبات عديدة