شحاالكم بنات؟
راح ادخل فالموضوع على طول
بنات في شي واايد مضايقني..واللي هو ليش أغلب الشباب الحين اذا يبون يخطبون يدورون على الجمال؟!
راح أذكر لكم أمثلة
1- عندنا أخواني يوم نقولهم بنخطب لكم يقولون نبا بنت تكون(بيضة-طولها متوسط- ملامحها حلوة-وجسمها يكون فيه مقدمات وخلفيات اكيد فهمتوا علي- جامعية…الخ)
واعترف انهم بطرانين
2- كم وحده من رفيجاتي تخطبني لاخوها لأنه شكلي حلو(مع اني عاادية<<< متواضعة ههههه).
3- عيال خالي الأولاد نفس أخواني تفكيرهم(اهم شي عندهم الجمال) وكل مرة يقولون والله الزلمااات حلواات والمواطنات سمر ومتان ..الخ.
طبعا ما ارضى على بنات بلادي ..واذا البنات جي..ترا هم الشباب بعد في الخستين.
والله احس شباب هالأيام نسوا قول الرسول عليه الصلاة والسلام(اظفر بذات الدين تربت يداك)
وان الجمال فانٍ.
ربكم كريم
واتمنى اللي صار لها موقف او عندها راي ثاني تقوله.
واتمنى ما أكون ضايقة فيكم..لأنه بصراحة هبل وسخافة الشباب تضايق فالواحد.
منتظرة ردودكم
وكل شي نصيب
ربي يهدي الجميييع
هاي المطلوبه
و الزواج قسمه ونصيب
ربي يرزقج بالزوج الصالح ان شاء الله
موفقه عزيزتي
البنت كثر مايهمهم جمالها الخارجي …
الله يعين ياختيه
اهم شيء الملامح انا اشوف شباب اليوم كل همهم الجمال لانهم الاغلب يعني
شايفين كل اشكال البنات من العلاقات فهم يبون وحده تملي عينهم عشان عينهم ماتزيغ برع
وبعدين الجمال يفتح النفس ويصبح بويه حلو ويمسي بويه حلو وعشان النسل يكون حلو
يعني لاتلومينهم الجمال شيء مهم والي يقول غير جي جذاب
بس كل شيء قسمه ونصيب تلقين واحد حلو ماخذ وحده عاديه ووحده حلوه ماخذه واحد عادي
المهم يكون في توافق والله يرزق الجميع
والناس اذواق يعني
مب كل الشباب بيتفقون على جمال بنت معينه كل واحد يشوف الجمال بذوقه ومنظوره
هونيها تهون…حتى البنات جذيه تفكيرهن مب بس الشباب
يله أنا أقول الواحد اللي فقد الأمل بالجنة استغفر الله…يفكر بالدنيا
والدنيا حلووووووه…ومن هذا اللي يبغي ذات الدين او حتى من هاذي اللي تبغي ذا الدين
الا من رحم ربي…دنيا يوم اقبلت يو ادبرت مافادي سلاسل قطعت
الغفلة ثم الغفله ثم الغفله خلاهم يتمسكون بزيف الدنيا وجمال ساعه..نسوا ان الزواج
هدفه تعمير الارض واعلاء كلمة لا إله إلا الله..هذا هو الزواج