بنت عمتيه محتاره
وحبت اسالكم هالسؤال وهي راح اتشوف ردودكم
اذا تقدم لج ريال كل شي فيه زين بس هو اسمر بزيااااده هل هذا الشي ايخليج ترفضينه ؟؟
نسيت اظيف شي بنت عمتيه بعض صديقاتها ايخرعونها ايقولولها عيالج بيوون خوال عسب جي هي ترددت مع ان الريال اوكي مافيه شي الا سماره بزياااده
اتريا ردودكم
واتريا تجارب خواتيه المعرسات
واذا الريال اخلاقه زينه وسمعته طيبه تتوكل ع الله,
اعرف حريم وقسم بالله لمباات مااشالله مااشالله عليهن
ورحيمااات ماخذاات رياييل سممر بزيااده ومرتااحاات معاهم
وعاايشاات احلى عيشه الله يهنيهم
والله يوفقها ان شاء الله
والله بيسرلها امورها
وبعدين اهم شي انها هي تكون متقبلتنه وعجبها
لان الاسلام وضع لنا النظرة الشرعية لهذي الاسباب
مب عيب ولا غلط انها تهتم بالمظهر بس اكيد هذا الشي يكون في مرتبة ثانية بعد الدين والاخلاق
سبحان الله شي من البنات يعيبهن الاسمر وشي العكس ، نفس الشي الريال يوم يتشرط ويقول ابي بيضا او ابي قصيرة او ضعيفة او طويلة … الخ
هذي ميول نفسيه بس طبعا بعد الدين والاخلاق لانهم الاهم وهم اللي يدومون للإنسان
والله يسهل امورها ويرزقها اللي فيها الخير
ترى في عصر الجاهلية الي كانو يفرضون لون معين أو قبيلـة معينـة على المعرس
نحن الحين في عصر الإسلام والنور 
ولازم نرتقي بأنفسنا ^^
وأهم شي الاستخارة أولا ^^