هل المكياج يغير الشكل ويكبر العمر؟! 2024.

أمس كنت أسولف ويا وحدة من ربيعاتي العزيزات ع المسنجر .. اتذكرت إني ما راويتها صورتي بالمكياج يوم اتعدلت في عرس اختي وكنت كاشخة والكل انعجب فيني لكن الظاهر انعمت عيون الحريم عني .. ولا وحدة فكرت تخطبني لولدها ولا لاخوها .. بس ما أقول غير ماااااالت.. صدق ما شي فايدة فيكن خخخخخخخ.

المهم قلت فرصة اتشوفني ربيعتي بالمكياج لنها ولا مرة شافتني وأنا متمكيجة.
يوم راويتها أحلى صورة وسألتها عن رايها سكتت وعقب حطت أيقونة الويه اللي امطلع عيونه من الصدمة ههههههههههههه
قالت لي : ترف انتي أحلى من غير مكياج!
قلتلها : قصدج اني مب حلوة بالمكياج؟ يالله اعترفي .. أعرفج صريحة وتقطعين الواحد من صراحتج اللي ما لها داعي وتعطين في الويه كاش ههههههههههه.
ردت تقول: انتي فعلاً أحلى من غير مكياج .. المكياج امكبرنج .. وامغير شكلج.
قلتلها : وها هو المطلوب هههههههههههه
………

ربيعتي هذي ما اتعرف اتحط مكياج وما تحط مكياج إلا في المناسبات واذا حطت فشي خفيييييييييييف.. لنها اتحب اتكون ع طبيعتها.

المهم .. هل فعلاً المكياج يغير من الملامح .. ويعطيج شكل ثاني؟!
وهل الهدف منه هو تغيير الملامح؟! وهل ترتاح الوحدة نفسيتها يوم اتشوف عمرها غير أو تتضايق؟!

وثاني شي .. هل المكياج يكبر اعمارنا .. يعني لو وحدة ملامحها طفولية أو إنها اتبين صغيرة .. ما أقصد عمري ترى خخخخخ .. ممكن المكياج يحولها لأنثى ناضجة .. حلوة ناضجة .. قطعة لحم هي هههههههههه.. وخالية من ملامح الطفولة اللي تتميز ابها من غير مكياج؟!

يالله عاد لا تقصرون في تقطيع الموضوع .وشرشحته . نبا نستفيد من آرائكن يا أخواتي الفيلسوفات.

انا احب الميكاج بل المناسبات لانه يغير شكلي يعني احس انه تغير وهالشي يريح النفسيه لما تحس انه شكلها تغير وبل النسبها نه يكبر.. يكبر على حسب نوعيه المكياج اذا كان ثقيل يكبر الوحده واذا كان خفيف احسه يعطي عمرها مايكبرها بس احس انه البنات كلهم احلى من دون ميكاج طبيعه الانسان دائما حلوه والله خلقنا بشكل حلو والحمد لله على هالخلقه (( ولقد خلقنا الانسان في احسن تقويم )) فدوم طبيعه الناس احلى والمكياج حلو بل المنسابت عني مثل مايقولن نوع من التغيرولقد خلقنا وحول الوحده تتزين وتتعدل واذا متزوجه خلها كل يوم تتعدل حق ابو الشباب >>>> وايد تسولف وتتفلسف طولت بل السالفه هذي وجه نظري

هو عسالفة يكبر فانا وياج خاصة اللي فيه اسود وايد … بس شي من الميك اب الخفيف الناعم مول مايكبر بالعكس يبرز جمالج بسنج اما اللي فيه وايد رسم ها اغسلي ايدج منه يكبر وااايد

انزين أخبرج أنا يوم اتعدلت في عرس أخوي .. الحبيب ما عرفني ..يوم سرت أسلم عليه اتحسبني وحدة غريبة من الضيوف .. قال حق حرمته: منو هاي البنية اللي ما تستحي وياية صوبنا من غير شيلة ولا عباة ؟! خخخخخ.

وأخوي الثاني يوم شافني بغا يشرد يوم زقرته .. يتحسبني بغازله .. لووووول.

ويوم قلت له : أنا اختك ترف يا الثور .. جان يرد يقول: سمحي لي والله العظيم ما عرفتج .. اتحسبتج نانسي عجرم خخخخ.. أقول شو مسوين في ويهج؟! والله لو يمكيجوني بطلع أحلى عنج خخخخخخخ.

ابصراحة حسيت اني متنكرة .. أكثر من اني متعدلة.

أنا مرة كنت متعدله حق عرس ولد عمي وكنت متصورة بعد العرس بفترة كان عندنا مناسبة ف رحت الصالون وراويتها صورتي ع اساس ما تسويلي مثله استغربت من الماكيرة تقولي المكياج مكبرنج الصراحة عصبت اول مرة حد يقولي جيه!! هو انا بالمكياج يتغير شكلي صدق 24 درجة بس مب لدرجة اني اطلع كبيرة.

من ناحية ان المكياج يغير الشكل يغير الا يلعب دور بعد ^^
ومن ناحية ان يكبر بالعمر انا من رايي لا بالعكس يعطي لوك يديد و حلو

تقبلي مروري ^ ^

وهذا اللي أستغرب منه .. يوم أشوف نجمات هوليوود والأجانب بشكل عام كيف مكياجهم حلوو وبسيط وناعم .. حتى في أعراسهم .. ولا جنهن متمكيجات .. وفوق هذا يبرز جمالهن الطبيعي.

عاد نحن يا العرب نتسبح بالمكياج .. وتتحول أشكالنا لكائنات فضائية غريبة .. تلقين المعرس يشوف حرمته بشكل .. وثاني يوم ينش الصبح يلقى وحدة ثانية راقدة عداله وما يخصها في اللي خذها.. ويقوم يسأل: منو انتي وشو يايبنج في غرفة نومي ؟ وبعدين ويييين حرمتي؟! اعترفي ولا بييب لج الشرطة خخخخخخخخ