هل تعيشون الرومانسية بوجود الاولاد وغياب الاهل؟ 2024.

السلام عليكم اخواتي
في الحقيقة اعاني من عدم وجود وقت يجمعني بزوجي لوحدنا بمعنى عندي طفلين قبل مايجون كنت اطلع مع زوجي نتعشى لكن الحين المسافة بعدت وهو صار دوم برا يسهر ويا الربع ممكن تقولولي خليهم عند اهلك او اهله بالنسبة لاهلي ماحد و اهله مستحيل فهل برايكم اجيب خدامة احسن شوروا علي رجاء رغم ان شقتي صغيرة ومادري وين انوم الخدامة شكرا لكن حبيباتي

ما انصحج بخدامه ابدا… خاصه انج في شقه.. بتحسين انج مراقبه طول الوقت

وييييييييييييييييييييييييييينكم

حاولي ترتبين وقتج في البيت .. نوم الاطفال يكون من وقت … عسب يكون لج وقت مع ريلج ..

و ثاني شي عسب الطلعات .. حاولي تعودين الريال ان هايل عيالج يعني لو سرتي المطعم .. و عيالج وياج ما بتعيشين جو رومنسي ..

انا اخذ بنتي وياي في كل طلعاتي .. و خليت ريلي يتعود ما نستانس الا وهي ويانا .. يعني قبل كنت ازديها بيت اهلي مع اني موب ساكنه نفس امارتهم ..

واحين تعود هو ما يحب يخليها هناك يرتاح يوم تكون ويانا … و في المطعم بتعيشين جو رومنسي ..يعني بتاكلينه بتمسكين ايده هذا كله يدام عيالج عادي احسه شو يعني ..

انا احيانا يوم اسويله مفاجأه اشرك بنتي وياي .. نلبس مثلا نفس الشي .. اطرشلها اوراق في كلام حلو بيدها تعطي .. يعني كل شي وله حل ..

انتي احين عايله وحده مترابطه حاولي تنظمين وقتج .. واي سؤال نحن حاظرين فديتج ..

مشكورة الغالية بس ولدي البكر كنت اوديه عادي الحين عندي ثاني اقل عن سنة وتدرين لريال مايحب الدوشة انا منظمة وقتي بس هو دايما ييتاخر برا لين 1 اوفوق مول مايبى البيت يقولي اضيق من الشقة فشو اسوي والله اني متضايقة لاطلعة ولا شي يمل من الاولاد بسرعة؟

للرفع

والله حالتي مثل حالتج بس عندي خادمة وغرفة لها الحمدلله مرتاحة
يوم أبا اقعد ويا ريلي أخلي عيالي في الصالة وياها مجرد تشوفهم شو يسوون ؟؟؟؟

مهما كان الحياة ما ترجع مثل الاول مهما حاولتي ( تصدقين صار لي يوميين افكر في هالموضوع بس ما شي فايده مهما فكرت )

الحياة تتغير بس أحنا ما نتغير