خواتي والله اني زااااااااااايغة عرسي قريب ان شا الله ووايد افكر واحاتي
سمعت ان الريايل الحين عندهم صويحبات قبل العرس وعلاقات نص كم..مب بس مغازل والسلام لا متعدي لشي العن اونه للخبره :1 (6):
ريلي فديته اشوفه بريء ما يخصه بهالسوالف الحمدلله وربي يحفظه ويبعده عنهن ويبعد عنه عيال الحرام
لكن خبروني…الحين صدق هاللي سمعته؟؟؟ راااسي والله عورني كثر ما افكر
ماعرف شقولج
بس اغلب الرياييل هيه عندهم سوابق
بس انا ماقصد ريلج
وهالشي منتشر الحين عندنا
والحل عند الحرمه
لأن السبب الرئيسي لها الشي الحرمه
اذا قدرت تمسك ريلها تراها شاطره وهب مقصره ويا ريلها بشي
واذا لا تراها مقصره وياه فشي وعليها ان اتدور هالشي واتعدله
وحتى لو ريلج كان عنده سوابق خلاص انتي انسي هالشي وابدي وياه حياه يديده وحاولي انج انتي تملين عليه حياته
انتي بس
كونيله كل شي يباه من حرمه وام وحبيبه واخت وربيعه
واعطيه كل شي يباه
وسلمتي الغاليه
وربي يوفقج ويسعدج ويا ريلج الغاليه
خوفتيني
بصراحه مالومج من الي نسمعه و نشوووفه
بس إن شاء الله لا
و أنتي لا تصيرين شكاكه
عليج بالدعاء
والله يظربني وسواس من يتقدملي واحد أفكر نفس تفكيرج و أخس
الله يعيييييييين
الحينه البنات بيردون وبيعقدون السالفه … وبيشككونج اكثر !
له سوابق ولا ماله سوابق … لاتهتمين لهالشي اهم شي انج انتي الحاضر والمستقبل …
ونصيحه اخت… لاتحاولين تنبشين في ماضيه .. لاتفتحين عليج باب مابترومين تسكرينه …
^_^ بالبركه علييج عرسج ويارب يهنييج
في اللي عنده السوابق .. وفي لا ….
لا تهتمين لها الموضوع … لا تكونين بس زوجة كوني الحبيبة له …
وانتي ابعدي عنج هاي الوساوس … والله يوفقكم انشالله ويبارك لكم ..