انا كنت اتابع منتدى بدون مااسجل لكن سجلت وحابه استفسر
بس حابه اعترف ب اعتراف اعشق شعب الاماراتي بشكل مجنون واحبكم واحترمككم عالثقافة ورقي
هل عادي يتزوج اماراتي سعودية !؟
انا قبيلية بس عايشه بجدة. لان فكرت اكلم خطابه بعدين غيرت رايي قلت يجي عن طريقه تقليديه وبدعاء واستغفار
احسن من خطابه
كثير قالو مستحيل ولا عشم ابليس بالجنة ولا انتي تحلمي ولا لازم صله قرابه علشان يتزوجك يعني وكثير وكثير قالوا يعني. ولا يقولو لو عندك اهل ف امارات ممكن يتزوجك من اخر كسرو مجاديفي انه مافي امل يتزوجني اماراتي
وقلت اسال اهل الامارات لانهم اخبر وكدا وقلت اسالكم
انا ما احبذ تتواصلين ويا خطابه مع ان كثير تزوجو عن طريقهم لكن ماتضمنين كيف يطلع الشخص؟ اذا عندج صديقات اماراتيات ممكن من طريقهم تحصلين
بس سؤالي لج شو سبب تعلقج الكبير هذا بزواجج من اماراتي؟
وبالاخير الله يحقق لج مرادج
بس هل راح تتقبلين الغربه
شوفي وانا صغيرة كنت اشوف تطور الكويت بالمسلسلات وكنت اعشق اني اروح الكويت وممكن لو كنت بعمرك اقول بتزوج كويتي
بس لاتخلين الامور الماديه من تطور وغيره
تغريك
في اماراتين كثير يبون سعوديات
بس صعب الوحده اذا وافقت يبالها تمسح كل عالمها اهل صحباتها
انتي الحين اكيد بفتره طيش ان شاءالله تعقلين وتضحكين على نفسك انك كنتي بتتركين اهلك
^
صح كلامج اخت طيبه قلب لاحظت كثير يبون يتزوجون اماراتي عشان غرتهم الامور الماديه والتطور والحياه هني بس ماحبيت اذكر هالنقطه بتعليقي فوق عشان ماتزعل صاحبه الموضوع
الله يرزقج ولد الحلال
المشاركة الأصلية كتبت بواسطة Pink Cherry 
^
صح كلامج اخت طيبه قلب لاحظت كثير يبون يتزوجون اماراتي عشان غرتهم الامور الماديه والتطور والحياه هني بس ماحبيت اذكر هالنقطه بتعليقي فوق عشان ماتزعل صاحبه الموضوع
مو شرط الامور الماديه الفلوس اقصد التطور والانفتاح كنت اشوف الحريم بالمسلسلات الكويتيه يخرجون بدون عباء
وكنت اقول لااهلي بنعيش بالكويت عشان ماالبس العبايه جننتهم الكويت الكويت
ياحبني لاهل الكويت اهلنا وحبايبنا
لا أكيد مب مستحيل
بس ما أشجعج تبتعدين عن أهلك عزوتك وناسك
الغربة بالنسبة للبنت شيء صعب وايد
يا حبيبتي إحنا في الإمارات عندنا سبع إمارات
أختي تزوجت وعاشت بإمارة ثانية
فصعب نزورها وتزورنا إلا في الإجازات
أما أختي الثانية اللي تزوجت بنفس إمارتنا
كانت تزورنا يوميا وفرحانة وايد
الله يوفقج حبيبتي لما يحب ويرضى