سؤال يخطر دوم في بالي ، هل حد سوا عملية تحوير المعده او قَص ورجع وزنها مثل قبل ؟
وإذا رجع الوزن وزادت شو سوت؟
نبأ تجارب حقيقية عسب الكل يستفيد
وشكرا
والعملية تغير وااايد من نظام الأكل عن الشخص يبدا يتعود ياكل بكميات بسيطه واكلات صحيه يعني حتى لو توسعت بيكون الشخص هذا خلاص تأقلم على وضع وحياة يديده وطريقة أكل صحيه
بس في ناس الله يهديهم ماعرف ليش خاطروا وسووا العملية وعقب العملية ترجع حليمة لعادتها القديمه .. يخبصون في الأكل ويكثرون حلويات وأكلات دسمه ولا جنهم سووا شي
بهالوضع طبيعي بترجع المعده تتوسع لانها عباره عن كيس عضلي يتمدد وينكمش حسب ما اشخص يحط فيها
ريلي يخبرني عن واحد وياه فالمعسكر مسوي عملية قص معده من 3 سنوات ونزل من وزنه 40 كيلو بس يعني بعده متين .. ويوم شاف طريقة أكله قال ما استغرب ليش ما ضعف لان اعتماده على الحلويات والسكريات ما ياكل اشياء يستفيد منها الجسم ..
خلاصة القول .. ان هالنوع من العمليات هدفها الرئيسي تغييير العادات الغذائية للانسان المتين ويبدا يتعلم العادات السليمه .. وشكرا ^_^