بدش بالموضوع ع طول ..
انا توني متزوجه ومرتاحه الحمد الله مع زوجي وهو مول ما مقصر وياي ..
بس
همي هو ابويه .. الله يسلمكم من انولدت لليوم ما شفته سوى خير لي ولا لاخواني .. امي هنديه وما عندها شخصيه يعني طيبه وايد وزياده عن اللزوم ودايما تخاااف من انه ابوي عادي عنده فاي وقت يسفرها >>عسب جي حتى لو شو ما صار ما ادافع ولا تتكلم حتى لو كنا مظلومين .. هالشي اللي خلا ابونا ما يرتحمنا كعيال مب بس اهو حتى مرت ابوي وعيهالها ما يسوون لنا احترااام .. يعني ماضي حياتي كله حزن وصياح وظلم ومراره ..
مشكلتي الحاليه .. كل ما اتذكر الماضي وحالي قبل لا اتزوج اصيح صيااااااااااااح من خااااطر .. وفي كذا مره ريلي يشوفني اصيح بدون سبب يستغرب ويتم يسال بلاج وجي ..
ابي انسى الماضي بس مب قادره احس بس بمجرد ما افكر بموقف واحد اندمر ويخترب يومي كله .. ينجلب يومي من سعاده لحزن وربي .. مب عارفه وش اسوي تبون الصج ..
والشي اللي كاسر ظهري اكثر اني من تزوجت ما سلمت على ابوي .. لييييييين اليوم والحينه كملت اربعه شهور .. احس اني ما ابي اشوفه .. لانه يذكرني بايام قبل وقلبي واااااااااااااايد شال فخاطره منه
وامي كل ما اسير ازورها تقولي سلمي على ابوج ..الخ
تبون الصج انا كذا مره نويت اسلم بس من اشوفه من بعيد ترجع ذاكرتي لايام قبل واتضايج واشل بعمري وادخل الحجره قبل لا يشوفني ..
ساعدوني وش اسوي ..؟!
كيف انسى الماضي اللي احسه صاير لي شرات العضمه ومدمرني ..
وكيف اخلي قلبي يلييين على ابوي وابدي السللام .؟!
وابوج لاااازم تسلمين عليه لو شومسوبج هذا ابوج .. وانتي اكيد تعرفين عن بر الوالدين .. لو قدر الله وصار شي لبوج وانتي ما سلمتي عليه شو بسوين؟؟؟
تعوذي من ابليس … وهذا مب اي انسان مهما كان انتي مالج غير هلج …
والله يسر امورج ..
وفي النهاية زوجج ما اختارج تكونين زوجته الا لانج بنت فلان ((أبوج))
والسموووووحه
وقري سورة البقره واستغفري وان شاء الله بترتاحين …
اول شي جيف حالج ؟ عساآج الا طيبة ..
اول شي بسآلج سؤال وجيه ..هل اذا ما سلمتي عليه بتردين الحال للآحسن ؟
انتي تزوجتي الحينة ..قولي الحمدلله على هالنعمة …مثل ما قلتي ان الله عطاج ريل أبد مب مقصر من ناحيتج …تحمدي على هالنعمة خيتو …
الشي الثاني من ناحية ابوج …يمكن هو صح ما سوا خير لج ولخواتج …بس ليش ما تكونين احسن منه ..؟ تعرفين في بعض الآباء والله انهم طيبين بس المشكلة انه بتلقين حد يجرجه من برع ..مثلا مرت ابوج او خواتج من الابو …فبتشوفينه يسمع كلامهم وما يهتم لكلامكم …
خلي قلبج صاآفي من العداآوات …انا وياج هالشي بيتم في بالج وبتتذكرين الماضي كل ما شفتي ابوج …بس ليش ما تفتحين صفحة يديدة وياه تبتدينه بالسلام ؟
حبيه على راسه قوليله شحالك ابوي تولهت عليك ..! شوفي كيف هالشي بيآثر في ابوج يمكن هالكلام البسيط بيخلي انه يحب باقي خواتج وبيقول في خاطره بالرغم اني ما سويتلها خير في حياتها بس هي بادرت بالسلام …بالعكس هو بعد بتشوفينه بيتغير مع الايام …وانتي اعرفج بينج وبين نفسج تحسين انه لازم تسوينله اعتبار عالاقل ومبين من مشكلتج انج متلومة …
فديتج حبيبتي ما ابي اطول عليج …مهما كان هذا ابوج ..والحياة ما توقف على شخص سبب لج مشاكل …انتي الحينه مرتاحة فانسي الماضي 
والسموحة على الاطالة