اشحالكن خواتي
الموضوع مب لدعاية ولا لتاجرة ولاشيء هو جنون المناكير الي أمووووووووووت فيه
قبل ما تكملون الموضوع قولوا ماشاء الله
يلا بسم الله الرحمن الرحيم
هذا غرفتي ويا المناكير حياكم اقربوا خواتي
لا تسألوني وين اشتريتهم لأني ما أذكر كل حبه من وين بس في منهم من ابن بطوطه والبعض من كشكات المولات والبعض من الدراغون والبعض من محل ميك أب والبعض من المعرض والبعض من شومارت
وهذا الزايد حطيته في الدرج مؤقت مب لاقية له مكان وبخاطري بغيرهم
بس خل أشوف لهذيل مكان بالأول هههههههه
ني الحين للأدوات للي حابين يتفننون ويبدعون
هذي الفرش خذتها من مكتبة دبي للتوزيع كلفتني 115 درهم ناعمات وحلوين للرسم والتحديد
وهني الفرش عن قرب
والحين بني لوظيفة كل وحده من اليمين لليسار
1- الفرشاة الأولى : خاصة لرسم الخطوط الطويلة والتحديد رووووعه وااايد أحب أستخدمها
2- الفرشاة 2 لين 7 : أستخدمهم للرسم على الظفر وكل سمك للشعر حسب الرسمه وبعد أستخدمه لتعبئة اللون
3- الفرشاة 8-9 : أستخدمهم لما أبي أسوى مناكيرفرنسي وحسب حجم الظفر أستخدم حجم الفرشاة
4- فرشاة المروحة أستخدمها لما أبي أنثر جلتر على ظفري
ونكمل الأدوات
أدوات النقط مختلفة الحجم اشتريتها من برا وبتي دروس بخبركم اشقايل نتفنن فيها والي مب عندها تقدر تستخدم قلم رصاص ولا حبر ولا واير الكهرباء أو دبوس أي شيء متوفر تقدرين تسوين منه نقط مختلف الحجم
قطن مهم جداا وهذا شكله
والشكل الثاني
وااايد مهمين للتنظيف أستخدمهم بحواف الجلد المحيط بالظفر لما يطلع شيء زايد مب مرتب من فوق وتحت وجوانب الظفر
القطن الأول خذته من سفير والثاني من صيدلية في دبي مول ناسية اسمها
عيدان خذتها من شومارت وبعد أستخدمه لم أكون مستعيله وأشل المنكير الزايد بين الجوانب وحلوه وااايد لما أثبت أي شيء فوق الظفر وبتي دروس بتعرفون ليش هي مهمه وتسهل الشغل واااااايد
صحن زجاجي صغيروووون أستخدمه لما أحط نقط من أي لون أبيه مثل ما واضح بالصور وبعدها أييب أداة النقط وأحطها على الظفر
تاااااااااااااااااااااااااااابع لحد يرد خواتي
لزق أبيض شفاف واايد روعه للبنات الي يحبون يتميزون بمناكير أظافرهم وما عندهم وقت للرسم وهالنوعية ممتازة ما تمسك على الصبع ولا تعور لما تشلينه على عكس التيب العادي
وبتي دروس راح تتعلمون شقايل تتفننون فيه
شرائح إزالة المناكير بنكهات متنوعه تعيبني وااايد الشريحه تكفي لكامل أصابع اليد وحلو إنه زيتي واايد فأحسه يغذي ويرطب وعندي بعد السائل بس مخلص
أصابع صناعية بعد ماخذتنه من برا بعدي ما استخدمته بشتري الأكريلك وبعدها براويكم شقا تستفيدون منه وجدااا مهمه للمبدعين المتفيجين
قطعه تنحط على أصابع الريول تباعد بينهم وتسهل عليج تصبغين الظفر بسهوله وراحه
قطن بشكل مثلث خذته من شومارت وااايد مهمه لما تبون تشتغلون تدرجات لونية على الظفر
اسفنج الميك أب بعد أستخدمه لما أبي تدرجات لونيه لون ولا لونين ومستعيله عالسريع
أداة الختم والطباعة شارتنها من برا ممتااااااااااااااااازه طبعا مع شرائح منوعه للي ما تبي ترسم هذي أداه بتسهل لج كل شي
كلينيكس بأس شكل تحبونه وعندي وااااااايد منه وأكبر حجم بس ماقدرت أصورهم والدروس القادمه بعلمكم كيف تتميزن فيه
وانتظروني بالدرس الثاني لأدوات وأشياء أحلى
سوري بخرب الموضوع وبرد
بس انتي مب الا مهوووسه الا مينونه هههههه
يالله متابعه ومتحمسه
ابا استفيد منج
فعلا هوس
بس حلو احس انج مبدعه
حلــو الهــوس اللي عنــدج
الله يــزيد و يبــارك فــي اغــراضـج