شحالكم خواتي ؟؟
بدخل في الموضوع على طول … الله يسلمكم .. مشكلتي هي خدامتي الاندونيسية.. كملت عندي 10 شهور وتبغي ترد بلادها ! تقول ولدها مريض .. اليوم العصر كلمت اهلها بالتيلفون وعقب تمت تصيح في المطبخ جان تقولي (ماما لا تزعلين انا ابا اسير بلاد ما اقعد هني ) .. طول اليوم ساكتة وتفكر وما ترمس ,,
الحين شو اسوي ؟ مااقدر ايلسها غصب عندي ! بس بعد ما كملت سنتين !!!!!
تكسر خاطري ونفس الوقت انا مب واثقة من كلامها !!
يوم كلمت زوجي قلتله خلها تسير خلاص انا مب حابة اغصبها باجر يتشتغل من ورى خاطرها ولا بتسوي مشاكل عسب انسفرها ..
جان يقول لي كيف هي بتسافر وانتي بتمين بروحج < لاني عايشة ف شقة في منطقة بعيدة عن اهلي وما اعرف حد هني .. صاكة على نفسي الشقة انا وبنتي اللي بعدها ما كملت سنة …
شوروا علي .. اخليها تسير ولا لأ .. ؟ تعتقدون انها تتعذر بولدها !! مع اني وااايد اوكي وياها .. ومامقصرة من ثياب واغراض ومعاملة وياها ,حتى انه مرة ياها جدري وديناها المستشفى على طول وكان سعر الدوا (الحبوب بس 500 درهم ) وعادي دفعنا بس عشان اطيب ودايما لما نطلع انوديها ويانا واحسن الاكل تاكل ,, وثاني شي الشقة صغيرة يعني الشغل ووايد خفيف عليها … بس تنظف وتكوي ,, وانا اطبخ ,, يعني مب عارفة شو اسوي ..
اتريا ردودكم ؟؟؟
ومشكورة اهات الفراق .. وايد خايفة الصراحة من هالشي
قولي لها اوكي بسفرج بس لأنج ماكملتي سنتين
يعني اجباري انتي تدفعين تذكرتج
والله بتقر مكانها وهالدلع كله بيطلع
تراهم معروفين
نحن من استوينا وعلى هالحال ويا البشكاير
ماما موت بابا موت
ويومين ولا الام متصله
عجيييييييييييب
ويوم نقول لهم جي والله يعتدلن
انتي قوليله باسلوب انه مب تهديد او عصبيه
قولي اوكي بطرشج بس القعد يقول انج لازم اتمين سنتين وعقب نحن اجباري ندفعلج للسفر
اما الحين انتي ماكملتي وتبين تروحين فانتي ادفعي
ولااااااااااااتنسين ترى بتكون ويزتها بعدها مب مخلصه
عادي تقول بسافر وفالمطار تطش مكان
او تروح وترد مرة ثانيه وهي على كفالتكم وتسوي بلاوي
المشاركة الأصلية كتبت بواسطة لأجل عينه 
قولي لها اوكي بسفرج بس لأنج ماكملتي سنتين
يعني اجباري انتي تدفعين تذكرتج
والله بتقر مكانها وهالدلع كله بيطلع
تراهم معروفين
نحن من استوينا وعلى هالحال ويا البشكاير
ماما موت بابا موت
ويومين ولا الام متصله
عجيييييييييييب
ويوم نقول لهم جي والله يعتدلن
انتي قوليله باسلوب انه مب تهديد او عصبيه
قولي اوكي بطرشج بس القعد يقول انج لازم اتمين سنتين وعقب نحن اجباري ندفعلج للسفر
اما الحين انتي ماكملتي وتبين تروحين فانتي ادفعي
ولااااااااااااتنسين ترى بتكون ويزتها بعدها مب مخلصه
عادي تقول بسافر وفالمطار تطش مكان
او تروح وترد مرة ثانيه وهي على كفالتكم وتسوي بلاوي
مشكورة عزيزتي .. المشكلة انها قالتلي خذي راتبي واشتريلي تذكرة ابا اروح .. مابا فلوس !!
افففففف .. واااايد محتارة مب عارفة شو اسوي … اصدقها ولا لا ؟