شحالكن؟؟؟؟؟؟؟؟
وايد اشووف بنات يتشكن من البشره الدهنيه ويعانن شراتي بس انا الحمدلله عندي بس منطقة الخشم وكنت متعقدة الصراحه من كثر ماتزيت المنطقة وطفرت بعد
المهم ماكنت اجرب شي لاني ماريد اخرب بشرتيه لاني ماصدقت اتعالج وافتك من الحبووب طبعا اللي يوقف الدهووون لمدة فتره بس الريكوتاين وعالجت وعقب ماخلصت الكورس بسنه او سنتين ردت الدهوون من اول ويديد
وبدت المعاناه مع الدهوون من اول وييديد
لين من شهر تقريبا كنت ف المارينا وف باريس غاليري تحديداااااا نتشرا ميكب من الكورنر الخاص بميكب ديووور
وعقب ماخذنا الفاونديشن وغيره من الاشياء لي متعوديه ناخذها ماعرف شوه خلاني اتخبر اللبنانيه لي هناك قتلها بتخبرج ماشي عندكم شي يخفف من الدهون لي ف البشره
جان تقولي تعالي براويج شي ودخلتني داخل الغرفه مالت الميكب وجان تجرب لي شي ع خشميه وحسيته من عقب ماحطته حقي انه ويهي نظيييييييييف من الدهووون صدق وايد اووكي ولاني اثق ف منتجات ديور خذته بدون حتى ماخذ السنابل لانها كانت بتعطيني بس سنابل اجربه وعقب ارد اخذ من عندها بس توكلت ع الله وخذته
وصدق من خذته حسيت انه نفعني وااااااااااايد وهب غالي ع فكره يمكن جيمه ع اميه وشي
اسمه
DiorSkin Crystal
روووووووووعة الصراحه شكله من داخل جنه فازلين ابيض ع شفاف لؤلؤي ويوم تحطينه ع المنطقه للي تزيت بسرعه تكون المنطقه ناااااااااشفه وملمسها ماعرف كيف اوصفه لكن بس ماجنها فيها زيوت بشرتج
حتى قمت استخدمه قبل لا ارقد بس عسب يم ااوعى من الرقاد القى ويهيه هب مزييييت
مابطول عليكن
هذي هي صورته
https://beaut.ie/blog/wp-content/uplo…0/11/dior1.jpg
نصيييييييييحه بنات جربنه والله مابتندمن
انا واااااااااايد حبيت استخدامه حسيت انه يقلل الدهون ف المنطقه عندي حتى اني ماقمت اعدل ميكبي كل ساعه شرات قبل لاني احط منه قبل لاحط البودره
وماريد منكن غير الدعوة الطيبه>_<
واالسمووووووحه عالشرح الطويل بس لازم اخبركن عن كل شي >_<
دعواتكن
انا كنت مثلج بشرتي واايد تدهن
بس احينة كل مرة قمت اسوي تنظيف بشرة خصوصا منطقة الخشم وبروحي بعد
والله ارتحت من الدهونو استخدم ابرة تنظيف البشرة من بودي شوب اتطلع كل الدهون المتراكمة في الخشم
وشوفي النظافة عقب كل الوصخ بيطلع
حبيبتي الدهون اللي ف الخشم لازم تطلع مو تتغطى لانها مع الايام تتراكم وتسبب حبوب
وبد ما انظف بها الابرة ( هو طبعا مو ابرة مثل حديدة صغيرة في فتحات صغار ع الجانبين لتنظيف المسام) اسوي بالسكرب المشمش سو ها الشي كل اسبوع وشوفي النظافة
بروح اخذها يمكن تفيد بعدد
وماحسيتيه يغلق المسامات عشان جي ماتدهن ؟
انا جربت كم مستحضر ايسوي كنترول ع الدهون .. بس بتالي يسبب حبوب بسبب المسامات اللي تنغلق