وأخيرا كيكة الشوكولاته بدوووووووون بيض 2024.

بدخل في الموضوع على طول
حبيت اسوي كيك واكتشفت ان ما عندنا بيض ولين نطلب البيض ويينا سالفة طوييييييلة
المهم دورت في النت وحصلت بالصدفة كيكة بدون بيض فقلت بغامر وبسويها والحمد لله سويتها وضبطت وياي وبصراحة كل اللي ذاقها اتحراها من الكيك الجاهز وعاد انا قلت اذا ضبطت لازم انزلها حق خواتي عشان يستفيدن منها يوم يتأزمن ويكون البيض مخلص
بس وايد هذربت ادخل في الموضوع:
المقادير
*3 اكواب طحين
*2 كوب ماء دافئ
*2 كوب سكر
*ذرة ملح
*1/2 كوب بودرة كاكاو (ممكن نحط نصف كوب حليب المرة الياية بيربها بالحليب)
*ملعقة طعام بيكربونات الصوديوم
*3/4 كوب زيت
*ملعقة طعام فانيللا
*ملعقة ونصف طعام خل (عشان يتفاعل مع بيكربونات الصوديوم ويخلي قوام الكيكة اسفنجي ويساعد على رفع الكيكة يعني يكون مكان البيض)
* 1/2 كوب كاجو مجروش
الطريقة
* نخلط المواد الجافة مع بعض (لا تنسين تنخلين الطحين)
* نضيف الزيت والماء والخل
* نخلط بالخلاط الكهربائي جيدا حتي تختلط المكونات مع بعض
* نصب الخليط في صينيه بايركس وتوضع في الفرن على حرارة 170 لمدة 50 دقيقة
وهذي النتيجة بالصور

ها شو رايكم يالله ابا تشجيع عشان اتشجع وانزل مواضيع اكثر