وامس تفيج وقالي دقيلهم باجر الصبح .. اتصلت طلع ما في غير شاليه واحد غرفتين وصالة وطلع غالي 1200 .. بس احنا مو محتاجين ندفع هالمبلغ لان يكفينا شاليه بغرفة وحدة .. قهرني ضيع علينا .. والمشكلة ما عندنا غير الويكند لاني اداوم وهو مشغول طول الاسبوع
انا طفرانة ومن الحمل ملانة وابي اغير جو .. وهو مو حاس بهالشي .. حتى عيالي يبون يطلعون .. واصلا طلعاتي انا وريلي وعيالي بروحنا نادرة جدا .. 9 سنين معرسين ما طلعنا بروحنا الا 3 او اربع مرات .. كل طلعاتنا ويا الاهل
شاسوي وياه .. مرات اقول بحجز واحطه اما الامر الواقع ومرات اقول لا ما فيني يعصب على ولا شي ..
اسفة بس كانت فضفضة لاني صدق مليت .. اشوف كل عيلة يطلعون بروحهم وانا لا .. الله لا يغير عليهم ما اريد احسدهم .. بس ليش انا لا .. ريلي هالامر ما يهمه وايد مثلي
كله خير ..
اذا هو ما عندها مانع يدفع 1200 درهم .. احجزيها ولا تخلينها تضيع عليج
الواحد ما يعرف شو من الظروف تصير
اغلب الرياييل ما يحبون الحجز إلا في وقته
طلعي واستانسي وروحي المبزرة .. واذا ما في مكان هناك ..
احجزوا في فنادق ثانية .. واذا على الشوي بامكانكم تسيرون على البحر وتشوون على راحتكم
المهم تغيرون جو ^_^
ولا تكبرين السالفه وتغصصين على عمرج .. هذي اجازتكم واستانسوا فيها
أو سيروا صوب الفجيرة .. الجو هناك خبال والاماكن حلوة
الاسعار حلوة والجو احلى
سيروا صوب الفجيرة وراس الخيمة
وناااااااااااااااسة من الخاطر
المشاركة الأصلية كتبت بواسطة أم خالد الحلو 
كله خير ..
اذا هو ما عندها مانع يدفع 1200 درهم .. احجزيها ولا تخلينها تضيع عليج
الواحد ما يعرف شو من الظروف تصير
اغلب الرياييل ما يحبون الحجز إلا في وقته
طلعي واستانسي وروحي المبزرة .. واذا ما في مكان هناك ..
احجزوا في فنادق ثانية .. واذا على الشوي بامكانكم تسيرون على البحر وتشوون على راحتكم
المهم تغيرون جو ^_^
ولا تكبرين السالفه وتغصصين على عمرج .. هذي اجازتكم واستانسوا فيها
أو سيروا صوب الفجيرة .. الجو هناك خبال والاماكن حلوة
مشكورة عزيزتي على كلامج وكلامج صح والله انا ممكن ما انغص على عمري .. البحر انا مليت منه كل جمعة نسير البحر عندنا في بوظبي ويا الاهل كلهم طبعا بس مليت .. خاطري ايلس ويا ريلي .. انا ما اشوفه طول الاسبوع من الصبح لليل .. وقلتله نسير الفجيرة قالي بعيدة وايد متى نسير ومتى نرد وايد شافها بعيدة واخر الدنيا
الحمدلله على كل حال
لا تمين تحنين عليه وآيد .. انتي اللي بتتضايقين في الاخير …
عن تجربه والله .. =( ..
ردي شاوريه .. في وقت تحسينه منآسب ..
و إن شآء الله خير .. ^^