اشحالكم خواتي
يمكن مشكلتي البعض يشوفها عاديه بس بالنسبه حقي وايد كبيره
من كم يوم كانت حفلة ملجة ربيعتي وصارت ضروف وماقدرت اروح ملجتها في دبي وانا في الشارجه
شوفو شو صار
رجعت من الصالون اللي سويت فيه شعري وكنت بروح الصالون اللي بحك مكياج فيه
اختي ودتني صالون الشعر ورجعتني على اساس اخوي بيدويني صالون المكياج
واخوي يتحرى اختي بتوديني صالون المكياج
فأنا يوم اتصلت في اخوي قالي انا برع
هذيج الساعه دارت فيني الدنيا قلت خلاااااااص مشكور مابي اروح وسكرت التلفون ويلست اصيح
وعقب ياني اخوي الثاني قال بوديج بس قلت لا لاني كنت زعلانه واعرف انه اخوي هذا مابيدل واخوي هذا مايحب المكياج وهالسوالف فلو مادل بيسويلي حفله في السياره يمكن ماكان بيسوي بس مدري انا جي فكرت
المهم ياني اخوي اللي كان لازم يوديني صالون المكياج الساعه 7 قلت له تتمصخر انته ونفشت شعري وكملت صياح المهم عالساعه 10 تقريبا نقعت ضرابه في بيت اهلي
ماكان قصدي اتضارب بس كنت في الحجره اصيح
صرخت وكسرت تلفوني لانه ريلي بعد غصص عليا وانا كنت مب متحمله اي شي هو كان في الدوام
المهم يعني تضاربت ويا اهلي كلهم ويا ريلي
وطرشت مسج حق ربيعتي اني مارمت ايي وقلت لها ليش
مرت 4 ايام تقريبا هيه ماتبي تكلمني مع اني اعتذرت اكثر من مره واحاول اتصل فيها و4 ايام كله صياح عندي لاني احس اني قصرت وياها وهي دوم تكون وياي بس هالشي مب بيدي
واميه اتصلت اعتذرت حق امها انه مايينا
المهم انا قلت هيه من حقها تضايق بس مب جي محملتني فوق طاقتي
احس اني لو كنت مكانها كنت بقول ماعليه ان شاالله في العرس
بروحي فيني غصه لاني مارحت وهيه تزودني جي
الصرااحه قلبي وايد يعورني واعصابي تعباانه
شو رايكم خواتي شو اسوي اعتذار واعتذرت وصياح وصحت
واحنا كبار على الزعل المفروض في العمر هذا نراعي الظروف ونعاتب مانزعل بالقطيعه
اممممممممممم سوي الاشيه لى هي كااااااانت تحبهاااااااا .. دوم .. ذكريهااااااااا بل الايام الحلواا ومن هل الاشيه حسييهاا الحين انج حولهااا اكثر من اى وقت .. ولاتنسين الهديه يمكن تحل لو جزء بسيط ..
وربي يسعدج دوم .. بس خففي عصبيتج ..
وان هذا كان غصبا عليج…وخليها زياره عاديه بعيده كل البعد عن الاعتذاااااااااااااااااار…
لأنها لو تحبج مابترضى انج تعتذرين لها كل شوي…وربي يسعدها ويسعدج…^_^
اخااف ما تستقبلني ماعرف
ساعات اعذرها بس ساعات اقول مالها حق في اللي تسويه
مشكورات خواتي ^__^
انتي تعرفين عقب الملجه تلفونات تكون مشغوله 24 ساعه وهي مابتفكر حتى في امهااا
عقب ايام روحهااا بتتصل
الحرمه مشغووووله لاتزعلين ولاتضايقين بعمرج اكيييد هي تفهمت وانتي قولي لها بزوج في الاجازة بيي اجووف صور مجلتج
لو رحتي وياا اخوج الثاني الصالون كنتي بتفكين عمرج من الصدعه
بس شكلج حطيتي حرتج فالكل وضيعتي على عمرج روحة الملجة
لازم ربيعتج بتزعل وبتشل فخاطرهااا ..
اهم شي حاولي تعتذريلهاا بعد ولا تقطعينها واتقولين زعلاانه وما بترضى
خذيلهاا باقة ورد عوووده وروحيلهاا البيت وحتى لو ما استقبلتج
تمي حني عليها لين ما تستقبلج اكيد ما بتهونين عليها ^__^
أكيد هي زعلانه .. توقعت أقرب الناس لها تكون حذالها
عادتنج مثل أختها وأكثر
ويمكن هي تشوف هذا عذر مب مقنع
أعرف صعبه على النفس .. بس في ناس حساسه
وعقب طرشيلها مسج
كتبي لها .. الظروف أحياناً تكون أقوى منا ,, والله العالم إني كنت ناوية أييج, بس إن شاء الله بعوض كل ها في الايام الياية وفي عرسج
واذا ما ردت عليج جهزيلها هدية حلوة ..
وطرشيلها مسج إنج بتزورينها اليوم الفلاني …. وحددي الوقت ( العصر المغرب .. الخ )
ومستحيل ما بتستقبلج .. شو بتسوي يعنى ؟؟
وسيري لها البيت وعطيها الهدية وضحكي وسولفي معاها حتى لو هي كانت زعلانه .. آخرتها بترضى