كيف الحال؟
كل عام وانتم بخير بمناسبة حلول عيد الفطر المبارك اعاده الله علينا وعليكم بالخير واليمن وبركات
قولوا امين
عندي مشكله بصراحه عويصه
انا دوم اروح الصالون مثل بنات الناس ومثل الخلق
قبل العيد بيوم او مرات اكثر عشان اخلص نفسي من الزحمه
تعرفون كيف الصالونات في العيد زحمه خاصه عشان الحنه
وانا عاد من سكان العين
وهني في عندنا ماشاء الله وايد صالونات
بس في صالون معروف ان اسعاره رخيصه
وله فروع في اكثر من مكان في العين وخارجها
وهذا الصالون في العيد دوم يتحول الى
حلبة مصارعه
وانا ماابالغ
في كل فروعه
ويمكن بعد الصالونات الثانيه يكون فيها نفس المشكله
عشان ازمه العيد
بس هذا صالون شعر يعني مفروض يكون احسن
!
اليوم رحت العصر للصالون
كان زحمه وايد
في ناس يحجزون من الساعه 5 او 4 الفجر
عشان الدور
انا قلت خلاص برد بعد الفطور
يوم رديت رحت الفرع الثاني الي مفروض اصغر
قلت يمكن مايكون زحمه
لقيته بعد يفيض بسكان العين ويمكن حتى مايجاويرها
المهم
يوم تطلبين الخدمه تدفعين ويعطونك وصل فيه وقت الوصول
عشان الدور بيكون حسب التوقيت في الوصل
زين
طبعا مافي كراسي
انتظار كثيره
والناس واقفه او قاعده على منصات المرايا
او التسريحات
المهم رحت ناحية الحريم الي يسون الاستشوار
طبعا مشغولات
يسون لحريم قبلي
ولازم امسك الدور واوقف عند وحده منهن
المشكله
شو صار
ذيله الحريم بطلن يطالعن التوقيت في الوصولات
وصارت كل وحده يايه هي وكيفها
تقول لها سوي لي انا ولي بعدين او كل قبيلتي عادي
وانتي اذا كنت قبلها لازم ياتسكتي ياتخانقين
!
يعني صار سوق حراي
المهم
وقفت بدور وتفقدت مع بنات حوالي خمسه وانا السادسه يعني
يسون هن السشوار وبعدين انا
وهن خوات ماشاء الله
ولكن المجتمع ليس بحاجة لهن وهذا شي اكيد !
المهم
يوم وصل دور الاخت الخامسه وبعدها انا
الاخت كان شعرها معقد فطلبت منها راعيت السشوار او الحرمه الي تسوي السشوار
انها طمشته او تسرحه عشان تفك عقده
المهم
(على فكره انا معصبه فيمكن واصفه بصوره كبيره لانهن قهرني)
المهم بعد
فقمت انا اخذ الدور لين مالحبيبه تسرح شعرها
فجاءة
وحده من الاخوات وهي اكثر وحده ملسونه حسيتها من اول مادخلت
تقول:
سمعي انتي
عطينا الدور لهذي البنت (اول مره اشوفها يعني ماكانت بينهن)
يعني نحن عطينا دورنا لها
وبعدها بتسوي اختنا وبعدها انتي
قلت no way
يعني no way
قالن تقول no way
قلت ليش تعطنها دوركن ليش ماتشاورني انا
انا من حقي اخذ الدور لين ماختكن تخلص وبعدها انتي ودور يستمر
وهذي البنت ماشتفها من قبل من وين يت
لتكون قريتكن
قالن هي نعم اختنا
قلت وانا شو دخلني باختك
هذا حقي
طلعت وحده مدري من وين تحارب وتفاتن تقول هي امهن
وهي مب شكلها امهن ! يمكن زوجة اب !
المهم هي المهم
قلت وين صاحبة الصالون
رحت سمعت مسبات لي من تحت لتحت
هذي الهنديه (عشان تعروفن عقدتي اني سمره وشبه الهنود)
وهذي ماتفهم وهذي وهذي
انا طبعا راسي يعورني عشان السمع واذني
وساعه صارت 12 بالليل
انا استنى من الساعه ثمانية المساء
وداخله قبلهن بعد
فقلت خلاص ماريد
راحت المسؤولة حاولت تراضيني 
حططني الثالثه بالدور بعد بنات صغار شعورهن صغيره
صراحه انا تعبانه وراسي يعورني
وخلاص ماتحمل
طلعت من الصالون مااعرف كيف حطيت الشيله
على راسي
لا اراديا صرت ابكي
المهم
وهو مب بيت القصيد
ليش مايكون في نظام للصالونات في العيد
وليش الناس جي تتعامل
الحين نحن طلعنا من رمضان نسرق في بعض ونسب بعض
ولا عشان نكون مسلمين
وكل هذا عشان سشوار لو كان شي اكبر شو بيستوي
!
ماظن حد بيتكلم 
انا دافعت لاني حسيت انه بنقص علي بس بعدين سكت يعني
كبرت عقلي
وش دخل الشكل بالموضوع!
عيدكم مبارك
هالشي مستحيل يصير!!!! نظام وترتيب فالصوالين 
اذا الناس مب منظمه تبين الصوالين تتنظم؟!
الله المستعان
لا تتضايقين خلي عندج روح رياضيه وطااااااف
مب مشكله هي بس موضوع شعر
وهي مب مسالة البنات مسالة الادارة
يعني مب اسلوب هذا مفروض تكون في وحده حقيقي تتولى هذا الموضوع
وتكون مشرفه عليه
وتنظم الحريم
بس مااعرف شو اقول
الواضح فكرني هنديه قالن بنقص عليها
خخخخخخخخخخخخخخخ
الحريم قبلي اشكالهن عربيه
قال هذي اخلاق المسلم
استعفر الله
بس ليش الناس يقللون من فئة الهنود والفلبين بعدهم بشر
الله نهى عن الكيل في الميزان كيف عاد تاخذون ادوار الناس عينك عين
لو صالون شعر
وبعد التفرقه في الشكل وعنصريه الاعجمي والعربي
المهم
انا بالاصل محتاجه حمام زيت وبعده سشوار او اسوي تسريحه
باجر ان شاء الله بسوي شي احلى عن جي
بحاول اروح ابكر وعلى راحتي لان بكره عيد
كل عام وانتي بخير
ابي افهم شغله وحده محيرتني حيييييييل
ليش الحريم يغسلن شعرهن ف الصالون ولا بعد ف ليلة العيد
خواتي ريحن عماركن وغسلنه ف البيت والسيشوار متوافر عندكن ف البيت وفكن عماركن من الصدعه
انا طلقت الصوالين الا ف حاله وحده اسير لما يستوي عرس اخوي او اختي أما غيرهم مستحيل
أرتب عمري ف البيت تقولون الا قمر ١٤ ههههههههه
من ناحيه الحنه اختي تحني لي
انصحج غناتي ماتسيرين الا للضرورة وجي فكيتي عمرج من الصدعه
فديت السمر انا
انا بعد كنت اريد اغسله في البيت وانا سويت جي العيد الي طاف
بس قلت الصالون بيخليه احسن لي
لاني مب وايد اعرف استخدم السشوار او السشوار الي عندي في البيت مب بروفيشنال او اوكي
بس خلاص بعد الي صار اختي
بشتري ان شاء الله سشوار الصوالين واتعلم عليه في البيت
مب مشكله
وحتى حمام الزيت بحاول فيه في البيت
بس هي مب مشكلة السشوار
مشكلة ناس مادري عرب مادري شعوب
مااعرف ليييين متى بنظل بهذي الصوره
وانا كنت اروح لهذا الصالون عشان اسعاره رخيصه
بس من بعد الي صار
لو ادفع 500 درهم عشان سشوار مانزل مستواي
عند العامه
حلوه هذي العامه
صالون غالي تدخل فيه كم حرمه احسن لي من صالون فيه جمهور
عرفت ليش الحين ليش الناس ترقي عمرها
وانتي شاطره اختي
ماشاء عليكي
والله شخبطي بتطلع يمكن احسن عن حناهن
اسكتي اليوم الصبح كنت ف صالون عسب اشل شعري وشفنا الحريم اللي يتريون دورهم للحنا يتضاربون كالعادة بس هالمره يايبين شرطه!!
الله يهديهم هالحريم كل سنه جيه … الحين شرطة وحاله عسب دور فالحنا!!
اختي سويتس
شرطه عشان الحنه
تعرفين اني من زعلي قلت والله يوم سمعت المسبه قلت بشتكي للشرطه وماخليهن يطلعن الا وهن متربيات خخخخخخخخخخخ
بس طبعا بعدين فكرت قلت فضيحه عشان سشوار
يمكن ربهن رحمهن اني بس بنيه على نيتي
وماسويت مشاكل عوده
بس فعلا المشكله في المسؤولات
حاطات وحده كاشير تصارخ في الموظفات
بدل ماتنظم الدور
الموظفات يشتغلن وانا اشهد عليهن في هذا الصالون
بس وين التنظيم ياربي
!