بالنسبة للي عندها طفل من عمر سنة الى سنتين
كم وجبة يأكلوا باليوم ؟؟
وشو تأكلوهم من الصبح الى الليل ؟؟
وهل نفس الوجبات تتكرر يوميا ؟؟
يا ريت لو كل وحدة تدش وتفيدنا ,,
أنا عن نفسي تقريبا 5 وجبات واحيانا 4
وتقريبا في اشياء تكرر يوميا
الصبح بسكويت مع الحليب
وعقب ساعتين روب او زبادي
والظهر الساعة 3 الغداء ( من غدانا اذا لحم او سمك او دجاج )
وعقب ارقده
وع المغرب شوربة ( شعير) وباليل نفس الوجبة ( شوربة )
واحيانا بدل الشوربة اسوي له وجبة خضار ( كوسا وجزر وبطاطا واحيانا اضيف له دجاج )
وبعد ياريت لو نستفيد من اللي عندهم خبرة ,, شو أفضل الطرق لتشجيع الطفل ع الاكل ؟؟
انا صح أعطيه هالوجبات ,, بس من كل وجبة يمكن يأكل 3 لقمات او 4 وبالحيل وبالضرابة عشان يأكل
ولازم يلتهي بشي عشان يأكل
والتلفزيون هو الشي الوحيد اللي يلهيه !!
فيا ريت لو تخبرونا افضل الطرق لتشجعيهم ع الاكل ؟؟
وشو الوجبات اللي نعطيهم خلال اليوم ؟؟
وجزاكم الله خير ,,
وياريت لو باقي البنات يفيدونا ؟
انا عندي ولد عمره سنة ونص ينش الظهر وغداه وعشاه يكون مثلنا بس العصر ياكل روب والاوقات الثانية رضاعة طبيعية وبسكويت..
واتمنى الاخوات يفيدونا
الصبح بنتي تكون راقدة و هاللي ما يعجبني فيها و تنش الظهر و اعطيها من اكل البيت و العصر اعطيها بسكويت الاطفال و العشا اعطيها بعد من اكل البيت و طبعا بين كل وجبة اعطيها حليب ..
و خاطري اتعلم منكم اكثر لان بنتي وايد ضعيفة وتوها مكملة سنة ..
الضحى: سندويج جبن وعصير
الظهر:غداج.. عيش مع اي نوع لحوم وروب ,……..
العصر : خيار اوي نوع من الفواكه او ناجتس ,نقانق,بطاط مهروس او مقليي ,خضار مهروسه,…..
المغرب:اي نوع من الشوربات
الليل:عشاج ..معكرونه ,محاشي ,لبنه ,…….وقبل النوم حليب
احس حليب بروجرس وبدياشور وايد زين للي عمرهم فوق السنه ..لان البدياشور غذاء تكميلي اذا مثلن ماكل عدل طول اليوم هذا الحليب يكون فيه كل الفيتامين
وانشالله اكون افدكم ببعض الوجبات
ومابا منكم الا دعوه حق بنتي اللي يحفظها ويبعد عنها العين ويشفيها