اهلا بالحلوين هذا الحلو كربوج ومنزلته من وقت طويل بموقع اخر وحبيت نزله هون وإن شاء الله يعجبكن ولا يمكن انك تقدميه ما يسألوك عنه لبساطته ومنظره الحلو وقت الضيافة
والاهم شغلو سهل ومقاديره خفيفة
المقادير :
علبة رقائق كلاج وبالشام منقول عليها رقايق
علبة قشطة يعني قيمر
زبدة سائلة
شوية فستق مبشورللتزيين
شريحتين او ثلاثة من خبز الشرائح (توست ) الطرية
قطر جاهز (شيرة )
هي المقادير كاملة مع القالب المطلوب وهو اصغر مقاس
الطريقة :
البدايةنقص اطراف التوست ونفتته صغير صغير ونبله بالقطر منيح بس مونسبحه ونتركه
ليمتص الخبز القطرونتركه جانبا
ناخد 4 طبقات من الكلاج وندهن كل طبقة بالزبدة لوحدها بعدين نضعهن فوق بعض ونقطع بالقطاعة متل الصورة ونضعهن بالقالب مع مراعاة ان تكون الجهة المدهونة بالزبدة من ناحية القالب
لتملئي كل القوالب دخليها على الفرن من 5 الى عشر دقائق انتبهي بتنحرق بسرعة
انا انشغلت شوي بالكاميرة انحرق البعض
واذا استعملت الكلاج العلبة الصغيرة رح تحتاجي 8 ورقات تقريبا
بعد خروجه من الفرن استني ليبرد العجين و ضعي بكل قالب نصف ملعقة صغيرة تقريبا من خليط القطر والخبز
وشوية قشطة فوقهن بالقوالب ورشي شوية فستق عليهن وبيطلعوا بسهولة يا اسحبيهن او اضغطي على طرف الوردة
وحطيهن بصحن التقديم ولا تحطيلن ورق لانه بيطلعوا كانه بورق التقديم
اتفضلوا يا حلوين
والف صحة
أن شاءالله بجربها..
تسلمييين حبوبه ع الطريقه الحلوه والسهله ..
انا اسوي بالبيف باستري بس ماجربت بالكلاج
يبالي اجرب
تسلمين عالوصفة الحلوة
وفي انتظار يديدج
تسلمى
والف شكر لردودكم
الف صحة