وزني مشكلتي و سبب تعاستي في هالدنيا 2024.

السلام عليكم ورحمه الله و بركاته ,..

شحالكن خواتي ..

شخباركن ..

من كثر ما اكتب في هالقسم .. أحس عمري استويت مشهوره و الله من مشاكلني ..

بس ماعندي غيركن اقدر اقوله للي في خاطري ..

خواتي انا لو ارجع اربع سنوات ..كان الكل يمدح جسمي .. كان وزني 62 و طولي 170… بس من توفي المرحوم .. ومن ترقدت في المستشفى كله أكل و أكل .. وصل وزني 110 .. وعقب نزلت لين 99..

والكل يتمصخرون عليه اني متينه و متينه ..

عاد نحن في عايلتنا المتينه محد ينظر لها ..

و كله اصيح و من الضيج مااخلى شي مااكله ..كل مااسوي ريجيم مايظبط معاي ..

و اذكر خالتي مره قالت لي ..انتي من متنج مااداني اشوفج ..

مع ان الكل يقولي اني حلوه مب باين عليه المتن ..

شوه اسوي ..

ما عليج من رمست الناس حبيبتي

ولا تتعقدين وان شاء الله بتردين شرات قبل واحسن بعد

بس الغاليه الرجيم بدون رياضه تراه ما ينفع
ل
انا اختي كانت شويه مليانه وسارت عند الدكتور نيوترشن اللي في شارع الضيافه والله ما اجب عليج ان جسمها الحين خبااااااااااااااااااااااااااااااال

روعه روعه

وانا فكرت بعد الولاده اذا شفت جسمي اخترب ما بسير الا عنده…

يعطيج وصفه رجيم بس مب قاسيه ونفس الوقت يعطيج مشد للرياضه ويعطيج كريم تحطينه على المنطقه اللي بتكون تحت المشد يعني البطن والخصر والارداف وعقب تلبسين المشد وتسيرين تمشين..

صدقيني هي بعدها ما كملت 3 اسابيع والفرق وايد واضح بالنسبه لقبل…

هاي تجربت اختي

والسموحه غناتي

مراحب خيتو

لييييييييييش عاد من قال المتن فيه شي والله عادي لا تعقدين بعمرج انتي اتأقلمي ما عليج من حد وسالفة الريجيم اللي ما يصبط لا حبيبتي مافي ريجيم ما يضبط لكن يباله العزيمه والاراده خيتو

انتي عزمي واضمن لج اختي انج تضعفين—— ومااعليج من الناس امبونهم ماوراهم فايده ايزيدون الهم

الله يعينج

انا بعد متعقده من متني …لان خواتي وايد يعايبون علي ….

ناويه ان شاء الله على تاريخ 20-3-08 ..يعني يوم الخميس الياي ابدا الريجيم + رياضه …

اذا تبين بنتحدى بعض …وبنحط لنا الاهداف …………واللي تنزل اكثر ويترتب جسمها …..بتحصل هديه حلوه

شو رايج؟؟؟؟؟؟؟؟؟؟ اذا موافقه راسليني على الخاص عسب نتفق على كل شي

موااااااااااااااااااااافقه ..

خلاص بنتفق على الخاص وبنسوي موضوع حلو وخاص ….وانا عن جد ابا اضعف وارتب جسمي الاهم …

واللي حابه تتحدى اتخبرنا ……………

نبا موضوع شيق وفيه قوانين واهداف …عسب نتحمس اكثر …….وما انمل ……..والهدف في الاول والاخير …صحتنا واجسامنا الرشيقه

الاثنين: قهوة بدون سكر/ سبانخ مسلوقة + 2 بيضة مسلوقة / قطعة ستيك كبيرة أو 3 قطع كفته + سلطة خضراء + أي نوع فاكهة

الثلاثاء: قهوة بدون سكر – مع ربع رغيف خبز بيضتين مسلوقة + سلطة طماطم كمية غير محدودة / جبن سويسري كمية غير محدودة

الأربعاء: قهوة بدون سكر – مع ربع رغيف خبز بضة مسلوقة + جزر مسلوق أو طازج + جبن سويسري+ فاكهة + لبن زبادي

الخميس: قهوة بدون سكر + جزر مع ليمون سمك مطبوخ + طماطم ستيك + سلطة

الجمعة: قهوة بدون سكر – مع ربع رغيف خبز دجاج مشوي بيضتان مسلوقة كوب + جزر طازج

السبت: قهوة بدون سكر – مع ربع رغيف خبز قطعة ستيك كبيرة + سلطة خضراء + أي نوع فاكهة جبن سويسري كمية غير محدودة

الأحد: كوب شاي بالليمون + ربع رغيف خبز فواكه منوعة حسب الرغبة

شوه رايج بهذا الريجيم في 14 يوم تخفين 8 كيلو ..