وزن البيبي الضعيفوووونه 2024.

مرحبا كروووشات

شحالكن وربكن الا بخيير

عندي سؤال وقلت مااالي غير خواتي فديتهن ^^

من اسبوع كان عندي موعد تصوير للبيبي عشان تتحطى الصوره فملف توام المهم ^^

اشوف كرووشتي الحمدلله الحمدلله الحمدلله واايد صغيره والكل يقولي لاني بجر الحمدلله ومااااشااااء الله <<< مستااانسه عليها لانها صغيره

ووزني زاد تقريبا 9 كيلو بس ( ربي لك الحمد والشكر )

وللعلم انا الحينه فالنص الثاني من الثامن ,, يعني تقريبا وحول 10 ايام بدخل التاسع والصوره كانت فالاسبوع الاول من الثامن

السالفه وين ,, السالفه اني كنت متروعه على وزن البيبي انه بيي واايد ضعيف ,, وهو كذلك سالت السستر قالت لي كيلو و 900 جرااام

وبطلت عيوني غدن هالكبر @@

كيلو و 900 حرااام والله فوادي عوورني ,,

شو بيضوي هالصغيروني ,, سندويجه على قولة ريلي ,,

ومن يومها وانا احاول اكل ,, بس ماااشي المعده غااديه صغيرووونه ,, يعني اذا بكل سندويجه ,, والصغيره ,, وحده وياااااالله يااااااااااالله اكملها شغل غصب ,,, واشبع ويضربني صااهر ,, ما اروم ,,

شو رايكن ومن خبرتكن شوو الحل ,,

مابى البيبي يطيح ياابس معصقل ,, صح الرشاقه مطلوووبه بس هب يااابس

فما هو الحل برأيكن !!!

انا مثلج .. يوم ادش التاسع نفس الشي بس يوم البيبي يطلع 2 و 400 جرام جي .. لول

انزين شو فيها لو سندويجة صغيرة .. حلاتها الكتكوووتة

انا شراتج انا الحين ف الثامن ووزن البيبي 1900 جرام مب عارفه شو الحل عادي او لا اتمنى يفيدونا

لا تحاتين علميا يزيد الجنين بشكل كبير في الشهر التاسع كل يوم 50 غرام

انا كانت بنتي 900 غرام بس في آخر الثامن وفي دكتوره طمنتني انه الطفل بيزيد مع الوقت وخصوصا في الشهر التاسع

وفعلا لما ربيت في بنتي كان وزنها ما شاء الله 3كيلو 150 غرام

نصيحه : لا تحاتين وخلي اكلج طبيعي مثل قبل وفي التاسع بتشوفين النونو بيكبر وبتقولين كلام خواتي في المنتدي صح

والله يسهل عليج الولاده

ان شااااء الله يزيد وزنها ,,

وسندويجه يمج مااا بعرف حتى البسها وكيف بروم امسكها بايد وحده

ما بيقصرن خواتنا ان شااااء الله والقصوور يعداهن

ربي لااا هانج ولا صغرج حبيبتي ,,,

وكلامج والله ريحني خصوصا من تجربتج ويا بنتج ,, ربي يحفظها لج ويحفظج لها ويثبت حملج ويسهل ولاادتج يااربي آآمييييين