وزن بنتي .؟؟ 2024.

السلام عليكم امهات اشحالكم واشحال اليهال

اصحاب الخبره حبيت اسألكم انا مربية تاريخ 30 يناير 2024 ويبت بنت البجر طبعا كان وزنها 2و600 جرام انا ربيت في اول التاسع بطلق صناعي ويلست بنتي في الشيشه 5 ايام ونزل وزنها 2 كيلو و400 جرام والدكتور قال هالشي طبيعي ..بس اشوفها لين احين ضعيفه ويوم وديتها اسويلها تطعيم مال الشهرين كان وزنها 3 كيلو و800 جرام وهالشهر بتكمل اربع اشهر ان شاء الله بس كل احد يشوفها يقول عمرها شهرين او توج مربية وااايد احاتي بنتي وكتبلي الادكتور على فتيامين د ونصحني اعطيها حليب صناعي قال احتمال ان حليبي ما يكفيها بس من بديت اعطيها الصناعي نقص عندي الطبيعي انا اعطيها حليب نوفالاك لحالات الامساك انصحوني امهات ماعرف شو اعطيها عشان يزيد وزنها وهل ابدأ اعطيها البسكويت الاول والفارليز ولا بعدها ؟؟؟

اتمني انكم تردون علي

الله يحفظ عيالنا يارب من كل شر

اختي انا مابا اخوفج بس غريبه في اول التاسع وجيه وزنها والحين ماشاء الله عليها تقريبا عمرها 3 شهور وبعدها جيه ليش متسيرين اتسويلها فحص شامل
انا بكامج عن واديه انا يبته في النص التاسع وكان وزنه 2.100 وبعد شهر كان وزنه 2.150 حتى الدكتور استغرب ليش جيه وزنه وعطاه فيتامين واستخدمتله حليب صناعي حتى تم ارجع وايد ونفس الوزن وعقب فتره اتواله بلغم خفيف وانا اتحريته زجام ويوم وديته المركز الصحي وفحصه الدكتوره قالي عنده دقات القلب سريع وسيدهو ديته عند عبدالله الخياط وسواله فحص بالسونار وطلع للاسف عند القلب بس الحمدالله من هاك الحال لين ها الحال بعد العمليه اتحسن وان شاء الله ازيد وزنه حق العمليه الكبيره والله اخلليه حق وطول عمره وينفعني على شق دنيايه وان شاء الله بنتج مافيها الا العافيه بس الواحد لزم يطمن لانه الصراحه في اشياء محد احس فيها والمشتشفيات مافي هاك الاهتمام وطمنيني عليها

مشكوره اختي على الرد والله يحفظهم ان شاء الله وما فيهم الا العافيه انا بنتي دوم مزجمه والبارحه لاحظت عليها تتنفس بطريقه سريعه ويوم كانت في الحضانه في المستشفى كان عندها بوصفار ومشاكل في البول الله يعزج لان عندها الكلية اليمين نازله عن مكانها الطبيعي وهالشي وراثي نفسي ,,اخاف ان الكلية ماثرها عليها .شكلي اوديها المستشفى وهم يشوفون حالتها ..

اختي مثل ماقتلج مابا اخوفج بس سيري جيكي عليه وخليهم اسولها سونار على القلب لانه ولدي عنده التنفس السريعه الغيرطبيعي وقالولي هذا من الثقب يستوي التنفس السريع بااااااااااااااجر لزم اتودينها المستشفى وانتي اطلبي السونار على قلبها عشان تتطمنين اختي عاد طمنيني الله اعافيها ان شاء الله

بالنسبه لوزنها في الولاده احسبه عادي لان وااايد يربن في اخر التاسع ويكون البيبي وزنه 3 كيلو او 2 و 800 كيلو يعني عادي..بس بالنسبه للنمو احس انه اذا كان وراثه عادي اتصير..انا بنتي الاولى كانت ماشالله فيها صحه من يوم ولادتها وكانت كله تلبس اكبر عن عمرها وهذا وراثه لان ابوها يوم كان صغير كان جيه..بنتي الثانيه وزنها في الولاده كان زياده بس من عقبها ما قام يزيد وزنها مع ان كل يقولولي طبيعي والحين عمرها 3 سنوات بس شكلها سنتين وامايه تقول هذي نفسي يوم كنت صغيره نفس جسمي…

وبالنسبه للاكل حرام لا تأكلينها الجهاز الهضمي مب جاهز بعده وبتسوين حق البنت امراض مثل الاكزيما وحساسية الدم..الله يحفظها بنتج تقريبا نفس عمر بنتي انا مربي بتاريخ 231 بس انا معتمده عالرضاعه الطبيعيه وحتى بنتي الثانيه يوم كانت ضعيفه ما عطيتها صناعي قلت اذا ضعيفه برايها بس المهم المناعه..

حبيبتي لا تخافين اهم شي الصحه شو تبينها تكون متينه والعين عليها ان شاء الله بمروور الايام راح يزيد وزنها على حسب طولها
انا بنتي يوم بنتها ككان وزنها 2 كيلوين وما متنـت طووول لين ما صارت اربع شهور او اكثر بدا شوي شوي يزيد وانا كان عادي عندي لين الدكاترته قالو وزنها طبيعي لا تهتمين بكلام الناس وسمعي كلام الدكاتره

وان شاء الله خير

الله يعافيها ما فيها الى الخير ان شاء الله