أنا وزني 84 وطولي 164
وابغي اضعف أحاول اضعف بس انا ضعيفة جدام الأكل ماروم أيود عمري ..
بس مرة أصريت على نفسي وقلت لازم اضعف
رحت لمركز دكتور نيوتريشن اذا تعرفونه
وعطاني حمية غذائية مع دوا اسمه سمارت دايت وصارلي شهرين ولأني ما أحافظ على الحمية وآكل على كيفي بس نقصت 4 كيلو وصار وزني 80 
مع ان اللي راحن له ضعفن في هاي الشهرين 10 كيلو او اكثر
أبغي منكن الحل ياخوياتي
لأني ابغي اضعف 10 كيلو بس
يعني لو صار وزني صار 70 برتاح ومابيبين اني متينة لأني طويلة ..
أبغي شي مضموووووون الله يخليكن ابغي شي يضعف ..
الي هو الإراده
انتي ما عندج إراده لازم إتكونين مصره إنج تنقصين
يعني الرجيمات بأنواعها موجوده و تقدرين إتحطين لج رجيم بدون لا تروحين مراكز و لاتاخذين حبوب
خلي عندج إراده و حطي هدف فبالج و إتذكري دووم النتيجه و إن شالله بتضعفين
^_^
سلام
انا طولي 165 و وزني 77 كيلو…..واتعقدت من جسمي لاني من النوع اللي ما اضعف بسرعه
كان وزني 82 كيلو وبديت الريجيم من شهر 5 والحمدلله نزلت 5 كيلوات
حاليا معتمده على الرياضه في رمضان عسب احافظ على وزني وما يزيد وزني ……
انا من النوع اللي ما اتحمل اشوف الاكل وما اذوق اللي يدامي…..لازم اذوق كل شي جدامي لو قطعه صغيره …..عاده وصخه
اتمنى اتزيد ارادتي واستمر على الريجيم والرياضه
اهم شي الرياظه
نيوترشن إذا مشيتي عليه صح … بتخسين أكثر من 10 كيلوو في الشهر
أنا كنت شراتج.. بس أفكر بالريجيم
استوي مفترسة وآكل كل شئ…!
اعرف هالشعور تبين تضعفين وتبين تاكلين
وتاكلين وتدندمين << ابشع شعور بالذنب
لكن غيري تفكيرج..
انج تبين تكونين انسانه صحية
وتعيشين عمر طويل (بإذن الله) من غير امراض
من هني بتبدين تغيرين عاداتج الغذائية
أنا اقولج كلي اللي في خاطرج
بس بكميات قليلة..
عسب الحرمان عمره ما ييب نتيجه..
بالعكس مع الحرمان احتمال تضعفين
بس بتردين اللي خسيتيه دبل
عسب النفس تشتهي
وانتي كم سنة يعني ناوية تعيشين بنظام اكل معين..؟!!!!!
أنا رحت نيوترشن
ومووووووووووول ما اقتنعت بالاكل
شو بيض وبسطرمة وماشي حليب
ماشي كورن فليكس
ماشي ايس كريم
انا انسانة احب آكل
هالنظام صدمني
وما مشيت عليه يومين
اقص على منوو…؟
على عمري..!
يا اختي خليج جادة
وخذي خطوة لصالح نفسج
تراج انتي اللي تختارين اذا تبين تخسرين ولا تفوزين
قرارج راح يغير نفسيتج
وثقتج بنفسج بتزيد
ونظرتج لنفسج بتتغير
أنا كنت دايما اقول.. انا ما بضعف
أنا متينه.. من يومي متينه
والحين كل من يشوفني يقولي وااايد ضعف
وتغيير وصغرت
ترى انا شراتج
طولي 168
ووزني كان 93…!
الحين الحمدلله 80..
وببدأ الشوط الثاني بعد رمضان ان شاء الله
عسب اوصل 70 في 6 شهور..
وأنا عمري عمري ما وصلت ما نزلت عن 79…!
بس بعون الله وتوفيقه بلتزم بإذن الله
وبحاول اني اخس
لا تستسلمين
لازم تحطين نهاية لوزنج اذا كنت فعلاً مضايقة..