ولادتج قريبه تعالي إقري قصة ولادتي اليسيره ولله الحمد وإستفيدي!! 2024.

السلام عليكم ورحمة الله وبركاته

حبيت أكتب لكم قصة ولادتي……….

وكل تجاااااااااااربي اللي سويتهاااااااااااااا…قبل الولاده…(مسهلات للولاده)

ولله الحمد كانت ولادتي……….هينه ووسريعه..وهذا بفضل رب العالمين
ماشاءالله لا قوة الا بالله

ولادتي الاولي كانت قيصريه بعد ما خلوني يوم كامل احاول طبيعيييييييي واعاني
عشان جي في هالحمل كله كنت اوسوس وخاااااااااااايفه طول الحمل
واقول حق ريلي الله يخليك خلنااااااا نسيررررررر الوصل ووقع عالعمليه وخلاص ريحني بدل ما يعذبوني مثل ولادة ولدي هو يطنش ويقول الله بيسهلها علييييييييج

المهم

مثل ما يقولون انه ويع البنت باااااااااااااااارد
اناااااا كان لي يومين وأخلص التاااااااااسع…بسسسس لاعت جبدي من الثقل
وكل يوم كنت اصاوي…متى بربي…متى بربي………..
صح كنت كسوله ما أمشي وااااااااايد……وكله رقاااااااااااااد
اشرب زعتر مرررررررررررررات.. وقرفه…ماااااشيء ويع…وشربت حلول..ما مشاني بطنييييي..

المهم

هاليوم قلت بس عاد مصختهااااااااااااااااااا

الا اربي اليوم لول

هم كانو عاطيني تاريخ 20-5 ولادة
وكان هاليوم 18-5

نشيت الفجر

صلينا الفجر
وسرت الساعه 5 وشيء الحديقه مع ريلي

مشيت ومشيت ومشيت
لين ما طلعت عيوني
كنت بمشي زياده بس(لأني فلات فوت)تعبت من ريلي ورقبتي

رديت البيت

شربت خروع وعصير برتقاااااااااااال(عالريج) الدكتوره زينب قالتلي
اشربيه يوم بتحسين بألم
انا مستعيله ما كان فيني ألم……لكن شربته

ويلست شوي…….
اتريقت………….وشربت زعتر…………

ويلست سااااااااااااعه تقريبا

وسرت رقدت

كانت الساعه 7 وشيء
نشيت الساعه 9 ونص
طواري عالحمام……..سايره وراده…….والم بسيط مم اقدر اتحمله
تميت ساكته ماوعيت ريلي
وكل شوي الحمام يمكن 6 مرات مشاني بطني………….
ولدي يحليله واعي يطالعني وانا داخله وطالعه الحمام يقول في خاطره شو مشكلتها هاااااي

قلت خليني انش من فراشي ابرك
سرت في الحوي
امشيييييييييييييييييييي وانا اصييييييييييييييييح والخدامات يطالعني يحليلهن
الحمدلله محد كان في البيت
امشي يوم ايييييييييني الألم اوقف
قلت بعدني ما بسيررررررررر المستشفى بيلعوزوني والحمدلله قدرت اتحمل

ونفس شيء تميت ادور في الصاله والحجره
برع حررررررررر لا يطاق
وكنت ايلس تحت
يلسة الحمام العربييييييييييي(الدكتوره زينب نصحتني بهالشيء)

استوت 12 ونص

شربت حلييييييييييييييييب مع قرفه قلاص عود..وحلبه(لانه ترخي عضلات الرحم وتساعد عالولاده)
واكل تمررررررررررررررر

وسويت فحم…ويبت حلول……..وتدخنت منه
يقولون زين……من تجارب البنات
يساعد على فتح الرحم بسرعه

قبل ما ادخن
تسبحت بمااااااااي حاااااااااااااار وغسلت شععععععععري
واستخدمت الموس(تنظفت عالسريع)
اذكر كلام اختي في ولادتهااااا
السسترات كانو ينظفونهاااااااااااا..ويقولون اخ عليهم العرب حتى ما يقدرون ينظفون عمارهن من الشعر لول بالهندي..يتحرون اختي ما تفهم…
سكتت عنهن هي روحها في حاله يحليلها..ماقدرت تتنظف في البيت

والساعه 2 سرت المستشفى
والم لا يطااااااااااااق..بس الحمدلله الحمدلله كنت صبووووووره وسااااااااكته

دخلت الطواري..يت الدكتوره
وجيكت كم مفتووووووووح…….كان 8 ل 9
قالت اوووووووه مااااااااي جود…استغربت لول
اقوللها يعني بربي طبيعييييييي واصيح..وكل اشوي اسألهاااااااا(متعقده من القيصري)
تميييييييييييييت اصيح واحمد ربيييييييييييييييييييييييييييييييي وطول الوقت كنت اذكر الله

وسيده غرفه الولاده
والحمدلله

الساعه 4 اول ما قاااااااااااال
الله اكبر

ربيت
الحمدلله الحمدلله الحمدلله
يبت (ميثه)
قولوا………..ماشاءالله لا قوة الا بالله

ما اتذكررررررررررر
الا يوم طلع البيبي سيده حطته الستسر على صدري
اتقولي بوسيهااااااااا بوسيهااااااا

جان ادزهااااااااااا قلتلهاااااااا غسليهااااااا اول شيء خخخخخخخ
اوني عاد اجز بسرعه خخخخ

(وهاي نصاااااااائحي بشكل مختصرررررر)

1. ادعي ربج دوم..بولادة يسيييييييره
2. من تدخلين التاااااسع يلسي تحت(يلسة الحمام العربي)او القرفصاء يسمونها
لانها تساعد البيبي ينزل في الحوضضض
3.وقت الالم.. اشربي خروع…وتدخني بالحلول
واتسبحي بماااااااااي حاااااااار واتنظفي عالسريع
4.واتحملي لا تسيرين المستشفى بسرعه
5.وحتى لو فيج الالم ومالج خاطر تاكلين..كلي..اشربي حليب وحلبه وقرفه..وتمر
تغذي عشان اتكون عندج قوة وقت الولاده
وامشي يوم ايييييييج الألم وتحملييييييي قد ما تقدرين
6.لا تصارخين..حزة الولاده..هذا روحه يتعبج وحاولي تحتسبين الأجررررررر
ويوم اييج الالم تنفسي نفس عميييييييييييق من خشمج وطلعيه من ثمج
يخفف الالم..وخليهم يحطون لج الاكسجييييييييين يدوخ شوي بس يهون عليج
7.لا تنسين تدعين لج ولأهلج..واذكري الله طول الولاده

دعواتكم لي
بالحيااااااااااااه الطيبه
في الدنيا والآخره
وأطلع من نفااااااااسي
وأنا عرووووووووووووس

ودوم رددو هالدعاااااااااااااااااااااااء
لعيالكم
اللهم أرزقهم طاعتك
وأرزقنا بـــــــــــــــــــــــــرهم

ماشاءالله تبارك الله لاقوة الا بالله

يزاج الله خير على النصايح الذهبيه

الله يخليييلج ميثاااااااااااااااااااا يا رب

ومشكووووره على نقل تجربج وان شاااء الله انسوي بنصااايحج ..هذيج الحزه
بس سالفت انج تتدخنين بحلووول اول مره اسمعبها بس بنشوووف بنجرب الدنيااااااااااا تجاااااااارب

مبرووووووك …الله يوفقكم ويهنيكم…وان شاء الله شوفين ميثه عرووووووووووسه وعقبالنا يارب

يزاج الله خيراااااااااا ..
بس عندى استفساررررررر بسيط هل الجراحة او الخياطة تؤثر في الحمل الثانى سمعت انة يتشق وقت ولادة..
وهل يكون منة الم؟؟؟؟؟؟؟؟؟؟؟؟؟؟؟

أشواق333

مشكوه حبيبتي على الافادة وانشالله تتيسر ولادتنا مثلج

حمدالله على السلامه ومبروك ما ياج