ولدي ابو الخمس سنوات ونص 2024.

السلام عليكم ورحمة الله وبركاته

اخواتي العزيزات ساعدوني لو تكرمتن

ولدي بديت الاحظ ان لسانه طويله علي يوم اطلب منه شي يراددني
،ماصار يحترمني قسيت عليه عسب اخوفه ويسويلي حساب ،والله اني ضايجه مب عارفه اشلون اتعامل وياه ،عنادي مايبى يراجع دروسه بس يبى يلعب وياكل ،عاد لا اجتمع ويا عيال عماته مايسأل عني موليه،لو قلتله كلمه يرد عشره هذا جدامي بس عند ابوه مايبطل حلجه،،،،،،يترعب يسوي عكس افعاله ،انا تعبت هل انا فاشله اقول اليوم يعاملني جي عيل يوم يكبر شو بيسوي، شوروا علي بس اللي عندها خبره اتوجهني اشلون اتعامل وياه حتى اختهعمرها ثلاث سنوات ونص مايدانيها بس اذا له مصلحه عندها ياخذ لعبتها اوتييب له ماى اوعندها حلاوه….الخ وحليلها تحبه وترحمه الله يهديه ويرضيه ويصلحه ,,,,,,,,,,,,,,,, انتظر ردودكن

والله نفس حالتج وحتى اعمار عيالج نفس عمر عيالي عندي ولد عمره 5ونص والبنت 3 ونص
بس احاول افهمه ان الله يعاقب الولد الي يطول لسانه على امه وبيدخله النار واحيانا اخذه بالسياسه واحيانا ما ينفع وياه اي شي هههه
بس ادعيلهم بالهدايه لان البنت باديه تقلد اخوها

مشكوره اختيه ام حمودي على الرد الحمدلله في اللي يعاني شراتي يعني مب روحي والله يهديهم ويصلحهم والله كريم

هلا اختي
عيالي نفس عيالج انا عندي ثلاثه
وشاب شعري منهم خص الي بو5سنين و3سنين مشيبيني وانا توني 20
الله يعينا انا عيالي طبق الاصل مثل عيالج عندي يراددوني وعند ابوهم محد يبطل حلجه
ويوم ازقرهم احلى طاف يعطوني وخص يوم نتجمع مع العايله الكريمه اتفضح لانهم ما يسمعون الكلام
المشكله انهم مدللين اذا ما خذتلهم حلويات والعاب وعاقبتهم اهل ريلي واهلي من ورايه ياخذولهم وكل ما انفهمهم انهم معاقبين يقولون هذيلا صغار
والله يا اختي كلنا نفس الحاله
وارجو من الامهات
يفيدونا جميعا
والسمووحه

سبحان الله نفس الحالة ونفس العمر بعد الله يعين أنا الصراحة مسوية جدول النجوم وكل ما سوا شيء زين أحط له نجمه أو ارسم له شيء هو يحبه وشوي نفعت معاه هاذي الطريقة المشكلة من يومين مكتمل الجدول وعطيته الهدية ولين الحين ما حطيت له اي نجمه عشان اهدده فيها عشان جيه اذا سوا شيء ماعندي شيء اقدر اهدده فيه توهم متغدين واللي يتغدى زين احط له نجمه بسير احط له عشان اقدر اهدده بعديييييين خخخ المهم أنا مسوية جدول فيه خانتين خانه باسمه والخانه الثانية باسم اخته ابو 4سنوات وراسمه بكل خانه دري (سلم) وفي نهاية الدري من فوق راسمة هدية وكل ما يسوون شيء زين أحط الهم نجمه أو استكر أو ارسم لهم اي شيء يطلبونه على كل عتبة من عتبات السلم لين يوصلون للهدية وطبعا أعطيهم الهدية بعد ما يترسون العتبات كلها والحمدالله الطريقة حلوه وفي طريقة غير بس بعدي ما جربتها وهيه طريقة الحصالة لكل واحد حصالة واللي يتصرف تصرفات زينه أعطيه ريال يحطها بالحصالة….. اتمنى انكم فهمتوا عليي والله يعينا على تربية اليهال

اختي أكيد في حل بندور عليه لين انحصله ماشي مشكله مالها حل والاخت أم عايشه فكرتها وايد حلوه نحاول نطبقها ونشوف انشاء الله خير ومشكوره على التفاعل وعسى الله يهديهم……..

:QUOTE=أم عايشة;11967804]سبحان الله نفس الحالة ونفس العمر بعد الله يعين أنا الصراحة مسوية جدول النجوم وكل ما سوا شيء زين أحط له نجمه أو ارسم له شيء هو يحبه وشوي نفعت معاه هاذي الطريقة المشكلة من يومين مكتمل الجدول وعطيته الهدية ولين الحين ما حطيت له اي نجمه عشان اهدده فيها عشان جيه اذا سوا شيء ماعندي شيء اقدر اهدده فيه توهم متغدين واللي يتغدى زين احط له نجمه بسير احط له عشان اقدر اهدده بعديييييين خخخ المهم أنا مسوية جدول فيه خانتين خانه باسمه والخانه الثانية باسم اخته ابو 4سنوات وراسمه بكل خانه دري (سلم) وفي نهاية الدري من فوق راسمة هدية وكل ما يسوون شيء زين أحط الهم نجمه أو استكر أو ارسم لهم اي شيء يطلبونه على كل عتبة من عتبات السلم لين يوصلون للهدية وطبعا أعطيهم الهدية بعد ما يترسون العتبات كلها والحمدالله الطريقة حلوه وفي طريقة غير بس بعدي ما جربتها وهيه طريقة الحصالة لكل واحد حصالة واللي يتصرف تصرفات زينه أعطيه ريال يحطها بالحصالة….. اتمنى انكم فهمتوا عليي والله يعينا على تربية اليهال[/QUOTE]

مشكوره اختيه الله يخليلج عيالج وعيالنا وعيال المسلمين طريقتج وايد حلوه ركض على المكتبه اشتري استيكرات وامور تحفيزيه لعل وعسى ننتصر أونه داشين معركه:خخخخخخخخخ صدج تجربتج رائعه الله يحفظج………….. واتمنى اللي اللي عندها افكار اخرى تفيدنا…………….