شو اعطيه محتااره مليت من الروتين اليومي خاطري اغيرله
بوجبه الغدا والعشى
ما انسوي لهم اكل خاص فيهم لان اكلنا ما فيه فلفل
يوم ناكل تفاحه ولا موزة ولا كمثرى اي شيء نييب خاشوقة اصغيره ونقش اشويه من الفاكه بالخاشوقه بيطلع لج شرات المهروس نطعمه الياهل
العيش من عيشنا لان انحبه مستوي هب يابس وحبة حبة واذا كنتوا من النوع اللي ايحب العيش يابس اشوي ولا حبة حبة يعني ما تستوي لقمه امنه سووا حق الصغير اشوية عيش على جبنب وليني العيش له
انزين الحينه هاتي البطاطا اللي في الصالونة ولا اليزر ولا الكوسى واعفصيها بايديج واطعمي الصغير
ولا هاتي العيش وحطي عليه السمن واطعميه
يوم بتاكلين ريل الدياي اعطيه العظمه وخيه ايمصمصها
يوم بيكمل السنة عطيه الريل مع اللحم وخليه ايوصخ عمره هب مشكله ها الشيء ايخليه ايحرك مخه ويفكر وينتبه على حركاته وايده وعيونه
وهكذا صدقيني بتشوفين الياهل ما شاء الله عليه نفسه مفتوحه
الله يحفظه ويحفظ كل طفل وطفله من شرور الانس ومن شرور الجن ومن شرور انفسهم اللهم آمين
…. بس من كم شهر .. أعطيه من اكلناااا عااااادي …شرات ماقالت أم سالم … أحط له عيش ابيض و أحط فوق خضره من الصالونه .. بطاط و كوسا و جزر …
و العشا شوربه و لااا على حسب العشا اللي مسوينه فالبيت …
^_^
و ربي يحفظهم لناااا…
من اشوفه يصيح ويعاند وانا اكون مشغوله اعطيه بسكوت
والظهر اسويله مهروس ااخذ اشوي عيش وابرش الكوسا وبطاط وجزرو مرات احطله قطعة دياية واشوي احطله خاشوقة شوربة ماجي بس عسب النكهة عسب مايمل كل يوم نفس الاكله حاولي اتنوعيله
والعصر افورله تفاح واهرسه واعطيهاو موز ويا الخاشوقة ولا اذا ماعطيته الظهر بطاط اعطيه العصر
مممم وبعد ع المغرب اعطيه المهروس من الفارليز بنكهة الكاسترد مع الموز
وع العشا اعطيه سريلاك او ميلوبا
وبس مثل ماقتلج بين كل وجبة اعطيه بسكوت عسب ما أيوع أو اعطيه قطعة من خبز لبناني يمصه ويلعب فيه