السلام عليكم
يوم الجمعه كتبت موضوع بخصوص عياده اسنان حق ولدي عمره سنتين وستقريت ووديته عند الدكتوره سونيا با السلامه الحقيقه الدكتوره كان تعاملها اوكي وخبرتني انه خلاص وصل لمرحله ماتقدر تعالج اسنانه لانها متاكله بس كتبت له ادويه تخفف التهاب اللثه وعطتني نصائح وان شاء الله يتحسن بس عورت قلبي فوق ماهو يعورني قالت ولدج وايد ضعيف وتعبان والله خنقتني العبره 
ماني عارفه شوه اسوي معه الشهيه معدومه واذا اكل شي الله يعزكن على طول يوسخ البامبرز
خواتي ياليت تدلوني على دكتور اطفال شاطر في بوظبي الله يخليكن لاتبخلن علي
الله يشفيه يارب
الله يسلمج الغاليه
مرحبا اختي سلامت ولدج عندج الدكتور سامي كندريال طبيب اطفال ممتاز وعندج دكتورة هالة تخصص غدد ونمو وهي طبيبة اطفال في مركز ابن سينا بعد يمدحونها وهي خريجة من جامعة ممتازة في امريكا والله يشفشة انشالله وراجعي الدكتورة نورة في عيادة المحيط للاسنان دكتورة ممتازة وعندها ضمير ولطيفةمع الاطفال شوفي شوبتقول وسلامات
تسلمين اختي على هل مساعده والله لا يحرمج اجرها
سبحان الله وبحمده
اختي سوسومام الدكتور سامي كندريال وين عيادته