ولدي و الكحه !!! 2024.

حبيباتي … ياريتكم تساعدوني بنصايحكم ..

ولدي من فتره يعاني من الكحه " حساسية صدر " و احطله الجهاز و اعطيه بعض الادويه … بس من يومين مادري شو فيه من تستوي الساعه 2 في الليل يبدا يكح كحه متواصله لين ما يتم يصيح و يرجع !! فاضطر اني احطلله الجهاز و اغطيه دوا الهستامين مع ان فتلاة العلاج خلصت …
طووول اليوم مول مل يكح بس الساعه 2 ..

ساعدوني بنصايحكم

الغاليه والله نفس معاناتي ..طول النهار بخير والساعه 3 يكح كحه منواصله واسويله مكينه ..ومرات اعطيه دوا وما يفيده..بس الحين من كم يوم الحمدلله بخير ..في النهار يوم الاحظه في بداية الكحه اعطيه يشرب ماي دافي..والحمدلله بخير وانا استشرت دكتور قلت له ان ولدي تيه الكحه فجأه واستخدم المكينه ..واخاف يضره او يتعود ..قالي لا تستهمين ولا تيسين تفكرين وااايد ولدج ما بيتعود عالمكينه بالعكس بتنفعه وان شاء الله بيخف عنه..

والله كانج كتبتي الموضوع عني .. ولدي استوتله حساسية الصدر هالسن هو عمره 5 سنين ..والحين ابي اوديه عند دكتور شاطر ..سمعت ان الدكتور خلوف اوكيه ..هو في دبي..

والله يعافي عيالنا ويبعد عنهم الامراض ..

زيت الحبه السوده مع العسل الطبيعي

نفس حالتي الغاليه انا بنتي وايد عانيت معاها بنفس اعراض ولدج ..وديتها كذا طبيب بس ما نفع ولا واحد ..عطوها بخار مده عشر ايام ولا اتحسنت حالتها ولا شي..بس عقب وحده ف المستشفى قالت لي ان حالته ولدها كانت نفس حاله بنتي اللي هيه حساسيه الصدر ..واتقول انها ودته حق دكتور في دبي وعطاهاا بس نوع واحد من الدواء وولدها خف على طول ..
عن اشل قشي ثاني يوم ورحت له ما تصدقون اول ما كشف عليها قال حساسيه بصدرها وعطاها دوا ء عباره عن قطرات لمده 10 ايام ..والحمد لله كم خذت الدواء وهيه فه تحسن والحمد لله خفت ..

اسم لدكتور صلاح الحسني في مجمع فتحي عماره وااااااااااااااااااااااااااااااد زين حق الاطفال اللي عندهم حساسيه

اعصري ليمونه وملعقه زيت الزيتون وعطيه حتى بالغصب وبتشوفين با الاستمرار علاج فعاال يشيل كل اوساخ الصدر
وكل يوم الصبح عطيه ملعقه عسل اصلي عالريق ينقي الصدر

جربي
انا ما اعطي ابني غير هاا السوالف والحمدلله راحت عنه الكحه وارتاح صدره

زين والله انا بعد عيالي فديتهم طووول الليل مايوقفون كحه بوديهم لدكتور الي قالت عنه ام سالم