حياكم الله خواتي
عندي طلب وين ممكن احصل ممرضه تهتم بوالدتي المسنه وهي داخل البيت
لاني مستحيل اخليها في المستشفى
ابغي ممرضه تعيش معانا في البيت وتهتم فيها لانها مريضه وما تقدر تمشي وتاخذ ادويه بمواعيد
ولازم اكل صحي وانا عندي وايد مسؤوليات وما ابا اقصر مع امي وما ابا الها خدامه
الخدامات ما يعرفون يهتمون باللي مثل سنها
الله يخليكم اللي تعرف مثل ها الاشخاص اللي يهتمون بكبار السن في البيت تخبرني
ملاحظه
دخلت الموقع اللي مسوي اعلان في المنتدى ما حصلت فيه شي
عندي طلب وين ممكن احصل ممرضه تهتم بوالدتي المسنه وهي داخل البيت
لاني مستحيل اخليها في المستشفى
ابغي ممرضه تعيش معانا في البيت وتهتم فيها لانها مريضه وما تقدر تمشي وتاخذ ادويه بمواعيد
ولازم اكل صحي وانا عندي وايد مسؤوليات وما ابا اقصر مع امي وما ابا الها خدامه
الخدامات ما يعرفون يهتمون باللي مثل سنها
الله يخليكم اللي تعرف مثل ها الاشخاص اللي يهتمون بكبار السن في البيت تخبرني
ملاحظه
دخلت الموقع اللي مسوي اعلان في المنتدى ما حصلت فيه شي
انشاء الله اتحصلين
حبيبتي من مكاتب مال الخدم تطلبين اتقوليلهم تبين ممرضه وتكون دارسه ويوم يلقونها لج تطلبين رقمها وتتصلين فيها واتخبرينها وضع امج كيف وكل التفاصيل اللي تبينها واعتققد معاشها يمكن 2000
الله يشْفِي اِمي و امج و يَخَليهُم و يِرفَع رآسْنا فِيهُم وُ ما يِحْرمنا مِنهم يارب العالمين
لانهم تاج راسنا ، و الحياة ما تسوى بدونهم .. فدييت امي ياربي ،،
لانهم تاج راسنا ، و الحياة ما تسوى بدونهم .. فدييت امي ياربي ،،
– حبوبة عندج مكتب الشامسي في بوظبي ، عندهم ممرضات : تدفعين 8000 و راتب الممرضة 2000 درهم
و إذا ما عرفتي طريق المكتب ردي عليّ انا بتواصل وياج // لأنه نحن يايبين ممرضة من عندهم
و ما أوصيج على الوالدة ترا الجنة تحت أقدامها . .
للرفع
الله يشفى امك وامى وكل امهات المسلمين امين
الله يشفى امك وامى وكل امهات المسلمين امين
إذا تعرفين حد في مستشفى زايد العسكري هم يطرشون وفد من عندهم ايي بيتكم ويكتبون عن حالة الوالده تقرير ويرفعونه للجهات المختصه عندهم وهم يوفرون ممرضه ويخيرونج هل تبينها 12 ساعة أو 24 ساعة وعلى حسابهم بعد ولا تدفعين فلس
الله يوفقج وييسرلج ويخليلج الوالده ويعينج على برها
الله يوفقج وييسرلج ويخليلج الوالده ويعينج على برها
ولج الجنة إنشاءالله
انا مره جفت فراك مكان اول مره اجوفه مكتوب فيه توفير ممرضات وغيره للرعايه الصحيه المنزليه أكيد بيكون لهم فرووع