شحالكم
خواتي انا متزوجه للحين ربي ماراد يرزقنا بعيال لظروف خاصه فينا !
خواتي بس ابا اعرف وين الود والرحمه الي مذكورين فالقران فحياتي الزوجيه ويا ريلي
انا وريلي مابينا ود ورحمه وكم مره اذكره بالقران والايه هذي بالذات
حياتنا صعبه كلها مشاكل ونتضارب على توافه الامور
لا ريلي يمسك نفسه ويلين ولا انا امسك نفسي والين
نحاول نبتعد عن بعض وارجع بيتنا ايني وهو ندمان ويوعدني انه كل شي بيتصلح يوم يومين ونرجع مثل ماكنا
ريلي مب سيء ابداً بالعكس مايردلي طلب وطيب فبعض المواقف
لكن افتقد الحنان والامان والحنيّه وياه وحتى الاحترام
هو قلل من شاني عنده ومن قدري
وكم انبهه واتكلم واقول ويقول ابدي انتي وانا ببدا
كيف ابدا وانا انهان كل يوم منه حتى والله ماقدر احس نفسي عفته
وين الحب والحنان والعشق اول الايام كلهم بحح راحوا !
قلتله الطلاق هو انسب حل لي ولك وفكر
لكن ابدا مايقدر يخليني يقول لو نتم معلقين بس مانتطلق ع اسباب تافهه وسوء تفاهم
اقوله تدري انها اسباب تافهه بس ليس ماتتغير ليش ماتحترمني و و و
يقول ما اقدر امسك اعصابي
وانا كيف امسك اعصابي ؟
خواتي اذا غلط عليه شي طبيعي مابسكت
كم بسكت قبل سكت وايد بس شي يجرح ويعور كيف اسكت ؟
يقول احبج وماقدر اخليج حتى لو حياتنا مليانه مشاكل ما اصبر عنج ولا يهون عليه اهد العشره الي بينا بس ما احس بطعم الكلمه اساسا وهو تصرفاته جذه
ابغي احس وياه بامان وحنان وود وحب مثل قبل
بس كيف !
كيف ابدا !
كيف نتغير ونرد الاحترام والثقه والموده والحب بينا مثل قبل ؟
كيف اخليه يودر الفاظه الي مب حلوه ؟
كيف اصلح الي بينا
حياتنا انهارت بسبت عدم الاحترام والتقدير والاهانه
شو الحل خواتي نوروني لاني بديت افكر جدياً بالطلاق وماعدت اقدر افكر بشي غيره لاني جربت وياه كل شي ومانفع
الله ينور بصيرته ويصلح شانه ويرجع مثل قبل واحسن بس هاللي اباه ولا صدق مافيه حل ثاني غير الانفصال !
خذي منه الجوانب الايجابية ايلسي بينج وبين نفسج الليلة واكتبي فورقة شو ايجابياته وسلبياته شو في شو الاكثر ..
حاولي تحطي حلول ع السلبيات مثلا اذا زوجي عصبي ومايحترمني
اذا عصب حاولي تمسكي عمرج اذا عصب عليج طنشي روحيي اتوضي وصلي وغيري من قعدتج مثل ماوصانا الرسول عليه الصلاة والسلام ..
حالي تهدينه بالكلمة الحلوة حتى لو هو ع غلط حاولي تكسرينه بالكلمة الحلوة والطيب صدقيني هو بيحس ..اختي اذا فيه طرف يشد يحاول الطرف الثاني يرخي ..
الزواج فيه مشاكل اكبر عن جذة الغالية لاتنظري للحياة من منظور ضيق وتشوفي الطلاق اسهل حل لا ..
حاولي ابدي من نفسج غيريه بايدج ترا الريال الكلمة الطيبة والحلوة تذوبه وقوليله ان شاءالله حبيبي فالك طيب ..صدقيني هو بيحس ع دمه ..وعن تجربة ..
حاولي تكسبينه صوبج وتستغلين حبه وطيبته لج وبيني انج اني بعد تحبيه وماتصبري عنه ..
ودومج استغفري وادعي فسجودج انه الله يسخره لج ويهديه ويجلج قرة عينه ..
الله يسعدكم
ما في حياة تخلو من المشاكل
الغالية امبين ان ريلج ايحبج و تحبينه بس الموضوع و مافيه انه صار في تراكمات من بينكم بسبب المشاكل الي مريتو فيها والحين مستصعبين تكسرون هالحاجز الي انبنا بينكم
الغالية كوني انتي السباقة للخير و بادري و غيري من طبعج و خففي شوي من التوتر و الحدية ابعدي عن اي موضوع او نقاش يسبب توتر و مشاكل بينكم
حاولي تحتوين ريلج و غيري اسلوب حوارج وتعاملج و ياه
دام هو قالج ابدئي انتي فاكيد عنده النية ان يتغير ان شاء الله
شو رايج تقترحين عليه اتسافرون اتغيرون جو و تصفون قلوبكم من بعض صدقيني ما في شي صعب كل شي سهل بأذن الله دام انه في حب و في إرادة للتغيير
بس اهم شي حبيبتي إ ذا بتعاتبينه عن اي شي حاسة انه مقصر فيه…. عاتبيه بحب و بالكلمة الطيبة كوني ذكية و لا تهدمي بيتج بيدج … ريلج يبين عليه انسان والنعم فيه و شاريج اتمسكي فيه انتي بعد ولا تفكرين فالطلاق نهائيا ولا تطرينه جدامه
عزيزتي قومي فالليل اتوضي و صلي ركعتين وادعي الله يجمع بين قلوبكم و يبعد عنكم المشاكل و يقربكم اكثر من بعض و لا تقولين وين الود والرحمة لأن هالشي من رب العالمين
و صدقيني ما في بيت يخلو من المشاكل بس الحرمه الذكية الي تعرف كيف تحافظ على بيتها و زوجها وانتي ان شاء الله ذكية و فاهمه وان شاء الله بتغيرين حياتج للأفضل
الله يوفقكم
المشاركة الأصلية كتبت بواسطة مالتيزرس 
خذي منه الجوانب الايجابية ايلسي بينج وبين نفسج الليلة واكتبي فورقة شو ايجابياته وسلبياته شو في شو الاكثر ..
حاولي تحطي حلول ع السلبيات مثلا اذا زوجي عصبي ومايحترمني
اذا عصب حاولي تمسكي عمرج اذا عصب عليج طنشي روحيي اتوضي وصلي وغيري من قعدتج مثل ماوصانا الرسول عليه الصلاة والسلام ..
حالي تهدينه بالكلمة الحلوة حتى لو هو ع غلط حاولي تكسرينه بالكلمة الحلوة والطيب صدقيني هو بيحس ..اختي اذا فيه طرف يشد يحاول الطرف الثاني يرخي ..
الزواج فيه مشاكل اكبر عن جذة الغالية لاتنظري للحياة من منظور ضيق وتشوفي الطلاق اسهل حل لا ..
حاولي ابدي من نفسج غيريه بايدج ترا الريال الكلمة الطيبة والحلوة تذوبه وقوليله ان شاءالله حبيبي فالك طيب ..صدقيني هو بيحس ع دمه ..وعن تجربة ..
حاولي تكسبينه صوبج وتستغلين حبه وطيبته لج وبيني انج اني بعد تحبيه وماتصبري عنه ..
ودومج استغفري وادعي فسجودج انه الله يسخره لج ويهديه ويجلج قرة عينه ..
الله يسعدكم
صح عليج 
كفيتي ووفيتي ما شاءالله ،،
المشاكل تكبر لانا مانروم نيود لسانا هههه صخي عنه بيتلوم فيج واستوي احسن عنه