بدخل ع الموضوع بدون مقدماات
بناااات أنا أغاار من بنات خاالي وبنات خالتية … بصراحة هن جريئات وعندهن شخصية وكشخة وااايد
وانا مب كشخة ماعرف كيف أكشخ .. مب قصدي اني أتحدى أي حد بس اللي قصدي اني أشوف البنات يكشخن في حركة الشعر واللبس والعباية واللوك والمكياج كله ع الموضة …
وأنا ضعيفة وزني في الأربعين وطولي 160 يعني تخيلو كثر شو ضعيفة هالشي ما يساعد ..
ماعرف كيف أكشخ وأكون روووعة .. صدق خاطرية أكشخ مب دووم شكلي مب مرتب وجديم ..
ساعدني حبوبات
الكل يتم يطالعهن اذا استوت مناسبة ملجة ولا عزيمة ولا ولفة بنااات
كوني واثقه من عمرج و لا تحاولين تقلدين حد و تكونين نفسه
خلج مميزه و لو انج مب ماشيه ع الموضه .. اصلاً موضة هالايام مب شي والله العظيم
و شو فيها لو انتي ضعيفه عادي .. حتى انا ضعيفه و مووووليه بالمرره ماحب الاستايلات اليديده و الموضه الماصخه ..
و أنآ دوم انصح رباعتي اللي جيه و يقولولي ( يآ فلانه ) على كثر ما تنصحينا و معنج متحجبه انشوفج حلوهـ يوم تظهرين ..
كفايه هالشي .. يعني انتي يوم بتظهرين مب لازم قصه و عباة الايام هاي مالة الشل و سكني و غيره
والله لبسي عبا ساده و سكارف و تحجبي و كشخي كشخه خفيفه ( جحال – مسكره – بلشر خفيف – كلوز )
و شوفي عمرج و شوفي نظرة الناس لج ^^ طبعا بغض النظر عن المناسبات ( ف هالاشيا صدق يبالج تسوينها )
و السموحه ع الإطآآآله !!
=)
وكل عزيمة او حفله لبسي شي غيييير عن اللي تعودوا يشوفونج فيييه
لا تروحين معاهم عشان مايقولون قلدتنا ونحن وديناها بس جي سيري برووحج
واذا تبين اي شي خبريييييييييييني راسليني عـ الخااااص فالج طيب
ابدي بالعبي .. غيري مودييلج .. في قصات يديده حلوووه وشغل احلى ..
شوي شوي لبسي شي يدييد لبسي اكسسوارات .. تغيري برووحج ..
لو تبين اي مساعده بنساعدج امري بس ^_^
والحين ندمت اني زدته …. واصل 73 ويالحمل ،!!!