هذي اول مره اكون ام واحس اني ضايعه بعيده عن امي و اللي عندهم الخبره من حريم اهلنا
عمر ولدي الحين شهر و أسبوع و ذابحته الغازات و نفخة البطن مع العلم اني موقفه المشروبات الغازيه و اي شي اعرف انه ممكن يسبب له غازات اوقفه
والله اني اتعذب يوم اشوفه يتألم و لا اقدر اسوي له شي ياريت تفهموني شو الأكلات اللي تسبب له الغازات… و لين متى بتم فيه
بعد بغيت اعرف متى بيترتب نومه يعني ينام وقت اطول في الليل
ياريت اللي عندهم خبره يفيدوني والله بأدعي لهم ليل و نهار على الفايده
أذا ما فاد الينسون والعسل عطيه ماي ورد وشوية ماي بس اذا ما فاد ودي الطبيب بيعطيه شراب ما الغازات نحن عانينا بس الحمد لله الحين احسن يوم يكبرو شوي
وبعد مايكمل شهرين ينتظم نومه، يعني انت احسبي اذا ترضعيه طبيعي كل ساعتين بيصحى جوعان واذا صناعي كل اونص ounce ساعة يعني لو تعطيه اونصين ينام ساعتين وهكذا..
وبالنسبة للغازات اعطيه مغلي يانسون مع بابونج يهديه ويخليه ينام مرتاح
سويله مساج لبطنه بالزيت و حركي بطريقه دائريه شوي شوي و بعدين مسكي ريله و اضغطي بالخفيف ع بطنه و بيطلع الغازات شوي شوي انا كنت يوميا اسويله مرتين الى 3 مرات يومياً و اعطيه دينتينوكس و طبعا شاي الاعشاب سواء ينسون او مثيبه او حلبه ..
بالنسبه للعسل ابتعدي عنه بتاتا لانه ممنوع لين ما يكمل السنه لان العسل فيه بكتيريا ما تتحملها معده الطفل ..
و أحاول اني اشربه الأشياء اللي خبرتوني عنها