ياللهـ عسى فرحة العيد تكتمل بعودة الحجاج ^^ 2024.

السلام عليكم ورحمة اللهــ وبركااتهـــ

هلا ومرحبا كل عااام وانتوا بخير وعيدكم مبااركــ عساكمـ من العايدينــ والسالمين

والله يرجع لنا الحجااج بالف خير وتكتمل فرحتنا ..

هذا العيد ما دخلت المطبخ واايد هه لانه كل الحلويات استعدادا للحجااج لكني سويت كب كيك كشخة ^.^ ولازم تجوفوونهــ ^.^

بالنسبة لموضوع المسابقة ايقونة التصويت ما تعمل لدي وانتظر رد الادارة واكيد بنزله اسمحوولي طولت عليكم ^.^

نبدأ كب كيكنا :

وطبعا سويت كيك جاهز لكن زينته بطريقتي ^.^

اول شي نجهز الباولات

فوشي واحمر << الوان عجيبة *.* للكيك والكريمة وهالمرة غيرت راح زمان الكب كيك العود الحين ميني كب كيك اخذت لي صواني تبع ال 24 حبة وحبيت اجرب الميني كب كيك ^.^

مجموعة من الكيك اللي عندي ومحتاره شو اختار خلصت كل اللي فالجمعية خخخ

خخ آآآخر شي استقريت على كيك فانيليا بحبيبات ملونة الموجود ف الصورة الاولى

كمية من البيض لاني سويت الفانيليا وسويت كب كيك بالككاو تقريبا اكثر من 60 حبة :

نقوم بتجهيز الكيك حسب ما هو مدون خلف العلبة

طريقتي في عمل الكيك بتلاقونها بالشرح المفصل في هذا الرابط :
https://forum.uaewomen.net/showthread.php?t=955876

بيضتان

نخفق البيض لحد ما تتشكل رغوة عندنا ونضيف الزيت والماي بعدين نخفق لين ما تتشكل رغوة هذي طريقتي حتى تمتزج كل المكونات ..

خليط الكيك صاار جاهز نضعه في كأس او اي اداة عشان نبدأ بالتوزيع او بالملعقة

صينية الكب كيك الجديدة واستخدمت اوراق وايد حبيتها شكل بطة وكب كيك

نملأ لحد ثلاث ارباع الورقة ونستخدم شي صغير للنقل افضل لانه ميني كب

وبعد ما خبزنا الكيك بدرجة حرارة 180 لمدة 25 الى 30 دقيقة من تحت وعقب نشغلها 5 دقايق من فوق

ونخليها تبرد شوي ونبدأ بالتزيين
استخدمت كريمة مكتوب والعديد من الاشكال للتزيين خخ عيد لازم يكشخون مو بس فارمسيل

عجينة الايسنج الخلفية ما استخدمتها كنت مقررة لكن ما استخدمتها ^.^

رووس للتزيين

عندي مجموعة من الحروف واشكال ورد وجوري ^.^
نخفق الكريمة لمدة على حسب ما نريدها خفيفة او ثجيلة كل ما زدنا خفق زادت حدتها وتصبح اكثر كثافة ولونتها بملونات الطعام