ياهي صعيبة ضيقة الكتوم 2024.

لما كان عمري 12 سنة تعرضت لاغتصاب من احد محارمي وخفت اني اخبر حد حتى هو يسوي نفسه ماسوى شي ويرمسني عادي ولا كان مسوي شي فيني المهم مضت السنوات وانا شايله همي بروحي ولا علمت حد كنت دايما ارفض لي يتقدمون لي طول هالسنوات وانا على وهم اني مب بنت ولا بنت مره اي ومرة لا لدرجة اني لما ياست من كثر ماارد الي يخطبوني دعيت في صلاتي اني اذا مب بنت ياربي لا حد يخطبني مره ثانية كبرت وكبر حزني معاي كنت دايما امثل قدام اهلي واضحك واسولف ولا كان فيني شي وفيني هم في ايام الجامعة قلت لازم اروح افحص يمكن انا عادني بنت ورحت عيادة خاصة بدون لحد يعرف والطامة الكبرى ظهرت اني مش بنت تميت سنتين بعد الفحص , وتعرفت على واحد من النت انا مب صايعة وراعية رجاجيل لا لكن مااعرف هالانسان كيف دخل حياتي اول مره كنت اسولف معاه على المسنجر ارتحت له وقلت له ممكن اقول لك قصتي خاطري افضفض ليوم واحد في حياتي وقلت له قصتي كلهاااااااااااااااااا تم يزن على راسي روحي علميه قولي له يصلح لي سواه وانا اقول له لا عملية ماابي ماراح اسوي انا ماسويت شي عشان اخاف منه انا انظلمت وحرام اظلم الي باخذه بعد العملية مابي ابتدي حياتي بغش سنة كاملة وهو يحن علي كان حنون علي لدرجة ماتصورنها هووووو لي شال همي معاي هوو لي عيشني احلى سنين عمري كان يخاف علي وايد قسم بالله عمره ماقال لي ابي اطلع معاج ولا انتواعد بعد سنتين وانا وايد تعلقت فيه صدق حسيته سندي في الدنيا هددني اذا ماعلمته يصلح لي سواه بيتركني وانا خلاص روحي متعلقة فيه المهم رضيت بالامر الواقع وقلت له يصلح لي سواه هو انصدم وقال ماتوقعت اني سويت هالشي وقام يتعذر المهم قال لازم ايوديني اسوي العملية انا كنت رافضه هالمبدا المهم لين مااقنعني حبيب القلب اني اسويها بدون محد يعرف غيرنا احنا الثلاثة المهم سويتها وزاد حزني حزنين تعبت نفسيا لدرجة اني في العملية انهرت قلت خلاص اانا راضية بحالتي مابي اسوي شي هدوني راضية بحالتي ودخلوه علي وتم يصيح قال تكفين سويها كملي الممرضة قالت انا معاج اعتبريني امج قالت هالكلمة وابتدت المناحة زود وينها امي ماتدري بحال بنتها واش صاير فيها تمت ماسكة يدي وسويتها يابنات ولله عشت ايام ماتمناها حق عدوى كنت اكتم الالم الفضيع كنت امثل اني بخير وانا الله عالم بحالتي لولا الانسان لي ربي اجعله في حياتي كان انا وشهي حياتي هو لي كان يكلمني ويواسيني واصيح في التلفون وانا اكلمه اني تعبت من هالتمثيل حتى الصلاة مااقدر اصليها انا وايد متعلقة بصلاتي وقراني المهم يابنات ان من ادخل الحمام وشوف حالتي اقعد اصيح بروحي فالليل اون بدون محد يدري غير الانسان لي ربي جعله في حياتي تعبت وايد في حياتي ودايما تجي في بالي ذكرى العملية والمواقف لي صارت فيها ولين اليوم اكتب لكم ودمعتي في خدي كيف ضيقة الكتوم تهد الحيل بتسألون عن حبيب القلب ليحين في حياتي وننتظر ابوه يوافق لان مايبيه ياخذ الا من عايلتهم .. ادعوا لي الله يرزقني فيه وادري بتقولون لي غلط ان يكون في حياتي هالانسان لكن مب بيدي ظروفي وربي جعله في حياتي ……… دعواتكم اسفه طولت عليكم ولله يشهد على كل كلمة قلتها انها قصتي … بنات ادعوا لي الله يشرح صدري لان حياتي حزن في حزن