يا خبيرات الرجيــــــــــــــــــــــــــــــــم . اريد حلا :( 2024.

هلا حبيباتي

الجواب مبين من عنوانه خخخخخخخخخ

حبيباتي بقولكم مشكلتي مع الرجيم

انا اداوم من الساعه 7 لي الساعه 5 يعني اطلع من البيت من 6 – 6 ( الله يعين )

دوامي بمكان بعييييييييييييييييييد جدا تكاد تكون منطقه خلويه

ما اعرف اذا سويت رجيم شو اخذ معاي اكل !!!! يعني شو اخذ للفطور للغدا للسناك

ياريت تفيدوني بنات والله تعبت ما اعرف شو اسوي

اعطوني حلولكم و اقتراحاتكم الله يوفقكم

و السموحه منكم

هلا حبيبتي ……. سؤالج سهل وعندي الجواب فديتج ……. الصبح ترومين تاخذين سندويش مثلا 2 توست اسمر مع شريحة جبن قليل الدسم وخياره ونص كوب حليب قليل الدسم او شريحتين توست اسمر مع بيضه مسلوقه وخياره ونص كوب نسكافيه قليل الدسم او شريحتين توست اسمر مع ملعقتين لبنه قليلة الدسم مع طماطه و شاي كرك بحليب قليل الدسم او شابورة دايت مع شاي كرك قليل الدسم او حليب قليل الدسم مع كورن فليكس قليل الدسم بسكر الدايت او ربع رغيف خبز اسمر مع 3 ملاعق فول بدون زيت او بيضتين مسلوقه مع خياره ………… هذا بخصوص الريوق اما السناك

حبيبتي حاولي تشربين ماي قبل الاكل بساعه ويكون الريوق بعده بساعه او ساعه ونص والسناك دايما يكون بعد الوجبه الرئيسيه ب3 ساعات مثلا تريقتي 8 السناك يكون 12 اوكيه

انواع السناك
اي نوع من الفواكه ما عدا الموز والمانجا والعنب
خيار ه او طماطه او سلطه او كم ورقة خس او 3 حبات بسكويت ديجستيف لايت او اقل حسب اليوع

قطعة شابوره دايت

اوكيه خلصنا من السناك ……. بما انه دوامج لين 6 يعني تتغذين في الدوام سلطه مع حبة تونه بالماء او بيضه مسلوقه مع ربع خبز اسمر وخياره او خضار مسلوقه مع ربع رغيف خبز اسمر او شريحتين مرتديلا دايت مع توستين اسمر وخياره او فواكه متنوعه ما عدا الممنوعه وسلاااااااااامتج

اتمن ىانج استفدتي من الي كتبته والله يوفقج ويوفقنا ان شالله

الله يعطيك العافيه حبيبتي كفيتي ووفيتي

ماقصريتي الغلا

ياريت الخوات يفيدونا بافكار ثانيه عسب الواحد مرات يتملل و يحب يغير شوي

om 3lya ماشاء الله عليها كفت ووفت

(لَا إِلَه إِلَّا أَنْت سُبْحَانَك إِنِّي كُنْت مِن الْظَّالِمِيْن)

خذي معاج حلويات بعد بس في انواع مافيها سكر خااص للرجييم

للرررررررررررررررررررررررفع