يا ربي عالمدارس 2024.

المدارس و رسوم المدارس

عيالي فمدرسة المعارف وكنت ابي انقلهم عسبة بعد المدرسه و كثافة الطلاب فالكلاس الواحد
لكن رسوم المدارس الثانيه ما تشجع بالمره كنت حيرانه و حيروني زياده

الجريد 1 و الجريد 2

مدرسة المهارات الحديثه طلبت 43100
مدرسة التربيه الحديثة طلبت 40000
مدرسة المعارف طلبت 26500

شو الراي الحينه؟؟؟

أنا ما انصحك بمدرسة دبي للتربية الحديثة … ما أدري اذا انتي تطرينه هي أو لا
أنا شليت بنتي منها بعد سنه دراسيه وحد قبل 3 سنوات ما أدري اذا تحسنت المدرسه بعدها
و مدرستهم الحاليه مهب احسن حال بس أهون عن التربيه الحديثة

و ما عندى خلفيه عن باقي المدارس … و بالنسبه للأسعار هم كلهم خذوا مقبول على شو اسعارهم
ربي يسهل لج

هي والله صدقتي هابين علينا بالرسوم العاليه و هم كلهم ماخذين مقبول بالزور

اشو هالغلا حسيت انج ترمسين عن اسعار جامعات خاصه مب مدارس

انا ميته من الصياح على سعر الكي جي 1 سجلت بنتي منهج امريكي بـ 13500 درهم بعجمان وزعلانه وابوها كله يتحرطم،،، انا ابغي اسس بنتي وابغيلها الشي الزين وهذا حال الكل بس والله الاسعار اتشيب الراس ودوام الحال من المحال اليوم نقدر اخاف باجر ما نروم خصوصا للي عندهم وايد يهال شو بيسوون

شكلي بخليهم بالمدريه الي هم فيها والله يعينهم على السيره و الرده