يا سيدات الامارات اللي تحب تساعدني تدخل 2024.

مــــرحبا يا سيدات الامارات…. أخباركن؟
أريد مساعدتكن لو سمحتن… عندي أول ولد عمره 11 شهر أرضعه طبيعي بس عذبني وااايد في الليل يقوم كل ساعة ما يرقد كله يبا يرضع.. أريد أفطمه يوم يكمل سنة بس مب عارفة كيف؟؟ وهو يرضع صناعي انتن شرايكن أريد مساعدتكن حبيباتي…..

حرام تفطمينه على سنة يمكن ما يشبع صدرج ما فيه حليب يكفيه

في حبوب تنشف الحليب ممكن تكتبها لج الدكتورة

بس الاهم انج تعودينه عالصناعي وآخر الليل لازم يشبع كفايته من الحليب علشان يرقد للصبح

وبعدين يمكن ولدج فيه شي دام طول الليل يقوم يصيح يمكن مب يوعان احتمال شي يعوره يمكن مغص او غازات ما تخليه يرقد

خذيه للدكتور اكشفي عليه وطمني حالج عليه

اذا عنده غازات عطيع شاي النعناع هو عبارة عن ماي تغلين فيه اوراق النعناع ولما يبرد تشربيه اياه وحطي فيه قطعة سكر صغيرة للتحلية

وممكن يكون موسخ تكرمين والحفاض يؤذيه فلازم تبدلين له قبل النوم

نصيحة مني لج اذا تبغين ولدج يرقد سبحيه قبل النوم ورضعيه وان شاء الله يرقد لج

ربي يحفظ لج ولدج

انا سمعت من وحده من الاخوات ان شرب الزنجبيل ينشف الحليب…
وعودي ولدج عالصناعي يعني قبل النوم عطيه لانه بيشبع…

الغاليه ,,,

نصيحتي لج ,,, رضعيه ,,,

ولا تفطمينه الحين ,,,

الأخوات الفاضلات…..
منى الحمادي
نوفاني
um isa alkabi
مشكوووورات على المرور وعلى النصايح الحلوة
اخت منى…. هو الحمدلله صحته زينه بس أظن عودته من الولادة كل ما صاح شوي شليته ورضعته بس ان شاءالله بجرب النعناع ونصايحج الثانية أكييد..
نوفاني.. مشكووووورة على النصيحة
um isa alkabi.. أنا من خاطريه ما أريد أفطمه بس من التعب وان شاء الله سنه تكون منفعة له بإذن الله…

الغاليه اذا حليبج ما تشبعه دخلي عليه حليب اصطناعي فديتج

سبحيه وشبعيه قبل النوم والله يهديه لج