مرحبا بنياات شحالكم ؟ وشخباركم ؟ عسااكم الا بصحه وعاافيه
عندي مشكله واتمنى من الكل يتعاون ويااي ويساعدني
وحده من اربيعاتي شكت لي وانا بنقل لكم كلامها وهي بتقرا ردودكم اتمنى منكم التفاعل ..
تقول
انا وحده صار لي مالجه من 5 شهور قبل كانت علاقتي بزوجي سطحيه وايد
بس فالصيف وايد صارت قويه وكنت اظن انها وايد اوكي
بس الصراحه اسوت اشياء خلتني انصدم منه واباكم تشورون علي؟؟
طبعا ك بقيه الريايل لو سالتيهم عندك علاقه من قبل بيقولج لا لاء
بس ما ادري ليش انا صدقته لما قالي جي وقالها لي بصريح العباره انا ما عندي سوالف بنات وخربطان
يمكن صدقته لان اهله كلهم كانوا يقولون لي امه وعمته فلان (….) خامه يعني انسان ما عنده تجارب
المهم ويمكن لانه بعد كما كان يقال لي انه شوي ملتزم ومثقف دينيا يعني ع هالاساس كان حكمي
بس صار مال لم يكن ع البال شوفوا
مره كنا نرمس شكيت له اني اتضايق من انه ينساني لما يكون عند ربعه ف زل بلسانه وقالي انا ولا مره ف حياتي رمست غير مره وهالمره كانت ايام الجامعه رمست وحده يمينه وكانت تقولي نفس كلامج اني مهملنها انا انصدمت وووايد وقلت له شوو .. غير السالفه ع طول وقالي انا بسير اصلي
انا عديتها ما بغيت اكبر الموضوع
قلت فخاطري ما بحاسبه ع سوالفه اللي كان يسويها قبل الملجه لاني ما كنت اعرفه ولا هو يعرفني
ويعني ما كنت ع ذمته ولا محسوبه عليه بس تمت السالفه فبالي
ومره ثانيه قالي انه ما يدش الفيس بوك وهالسوالف
واخته الصغيره طاحت بلسانها وقالت اخوي عنده اكاونت وانا ضايفتنه وهو منزل صوره مال التخرج ودخلت وراوتني حليلها
وانا سكتت وما كبرت الموضوع بس حز ف خاطري وايد وما قلت له ولا طريت الموضوع بس عسب ما اسوي لاخته مشاكل مسكينه اخته ع نياتها قالت اللي تعرفه ما جذبت
انا اعرف لو قلت لاخوها اني عرفت من اختك وجي اكيد ما بيعديها اكيد بيتهازب وياها بسبتي
وعقب هي بتاخذ موقف مني وانا مابا اخرب علاقتي فيها بصراحه
بس مره جي ياا ف بالي وقلت بسوي اكاونت
وسويت وضفته ونسيت السالفه ومر شهر يمكن ع هالسالفه ومن يومين كنت فاضيه فتحت الاكاونت وشفته مطرش لي مسج .. طبعا هو ما يعرف اني حرمته ..
المهم تم يتسالني ويسوالف وياايه بالرسايل .. لين ما وصل مربط الفرس انه يبي يتعرف عليه ويرمسني فالفون … وانا قلتله ما اقدر وهو يحاول يقنعني واونه بنستوي حباايب وربع واايد كلوز
وكاتب انه عزابي مب معرس ويدور الحب ..
بس هو فالحقيقه مول مب جي .. يعني يقولي انه يحبني واني سادتنه وما يبا وحده ف حياته غيري .. كل رمسته تنااقض في تناقض
ابا اعرف شو اسوي ؟ شو الحل ؟ كيف اتعامل وياه .. اخااف اسكت واتم متغصصه ومنقهره منه مع اني احاول كثر ما اقدر ما ابين له
واخاف اواجهه ويسوي هالسوالف والعن من هااي من ورااي .. الرياال مول ما يمنعهم شي
واللي يقهر انه ما يرمسني واايد من بدت الجامعه كله يا دووب نص ساعه كل يوم ودوم الحجه انه ما يحب يرمس فالفون واايد !!!
عيل عنده وقت يحدر الفيس بوك ويطرش مسجات ؟؟
بس حق حرمته مب فااضي ولا يقولي برقد ومن هنااك هو متربع ع النت قهر الصراحه
رياايل اخر زمن والله ما يعيبهم العجب ولا الصياام ف رجب ..
ملجة وجي عيل لو عرسنا شو بيسوي بعمره ؟ …
ما اقول غير حسبي الله ونعم الوكيل
ادري طولت عليكم بس اتمنى تسااعدوني .. وتنصحوني شو اسوي ..
…….
بنات اتمنى القى منكم تفاعل بليز لا تهملون الموضوع ادري بها من باجر الصبح بتم تسألني شو قالوا لج فالمنتدى؟!
ان شاء الله البنات اللي عندهم خبره بهالسوالف يفيدووووووووووووونج
اذا حابه تعرس ترضى وتسكت وماتقول عقب بتغيره
ممكن يتغير من نفسه اذا الله هداه
لو مكانها مابسكت ولا دقيقه
لان لو كان العكس ماظني بيسكت ويطوف ويصبر ويقول بتتغير عقب العرس
ولي رجعـة إذا الله أراد 
الله يعين
لا إله إلا الله عدد ما كان ، وعدد ما يكون ، وعدد الحركات والسكنات
اللهم إن كان رزقي في السماء فأنزله
وإن كان في الأرض فأخرجه
وإن كان بعيدا فقربه
وإن كان قريبا فيسره
وإن كان قليلا فكثره
وإن كان كثيرا فبارك لي فيه
لا إله إلا الله وحده لا شريك له ..
له الحمد وله الملك وهو على كل شئ قدير
لا إله إلا أنت سبحانك .. إني كنت من الظالمين