مسائكم طيب وجوري ورياحين
حياكم ربي مليوووون
بما إنك دخلتي الموضوع لازم تكملينه للنهاااااايه
أحب أبدى موضوعي بهذا المثل
التحول من الخطأ إلى الصواب مغامرة طويييييله لكنها جمييييله
اليوم مغامرتنا راااااح تكووووون غير غير غير
مغامره تبدا بكلمة هذا "وعد وهذا عهد"
مغامره صعبه أصعب من إمتحاني يوم السبت <تبي تقولكم ان عندها إمتحان صعب
راح نبدا فيها مع بعض ونكون شي وااااااحد …
مغامره للي قلوبهم قويه ومصنوعه من فولاذ <والله مدري وشو الفولاذ بس يلا ..
والله يابنات ترددت كثييييير ومليوووون مره متردده إني أنزل هالموضوع
أخااااف ماألااااقي تجاوب !!
بس على بركة الله راح أبدى واللي فيها فيها
بقولك على مثل ومن خلاله راح تعرفين الموضوع عن إيش يتكلم وبعدها
أختاري الطريق اللي تبغينه
كلنا نعرف الألماس ونعرف قيمته الغاااااااليه اللي توصل أحياناْ للملايين
مره شفت ألماس بـ8 ملايين ريال عاد مدري كم يكون عندكم بالدرهم ؟
ليش قيمته غاليه كذا؟!!
لأن الألماس ناااااااادر صعب تلقينه ..
الحين أنتي لما تجين تبين تشترين طقم من الألماس ولقيتي واحد عاااااجبك بس
كل الناس شافته وكثيرلابسين مثله لكن لقيتي طقم ثاني جديد توه نازل ماحد لبس مثله
ولا أحد شافه أبداْ أنتي الوحيده اللي شفتيه وعجبك بأن ماحد لبس مثله …
ياترى وش بتختارين ؟!
هل بتاخذين اللي كذا وحده لابسته وكل الناس شايفه مثله ؟!
ولا بتاخذين اللي ماحد شافه وماحد لبسه وأنتي أول وحده تشوفه وتشتريه؟!
أكيد كلنا بنشتري الطقم الثاني مهما كان ثمنه ..
جوهرتي شفتي هالألماسه
أنتي هذي الألماسه ويمكن أغلىىىى منها بعد ..
تبين تكونين مثل الطقم الأول ولا الطقم الثاني ؟!
طيب بضربلك مثل على نفس هالألماس
الحين الألماس بما اننا قلنا أنه غالي فمستحيل التاجر أنه يخلي هالألماسه مكشوفه
أول مايجي الحرامي يلقاها قدامه ويهرب فيها
أكيد التاجر راح يخبيها ويحميها ويشدد حراسته عليها ..
عرفتي الحين ليش كرم الله المرأه المسلمه بالحجاب
لكي نكون درر مكنونه لاأحد يراها إلى من يجوز له ذلك ..
ليغطي ذلك الحجاب تلك الألماسه اللي بالداخل حتى مايكون كل من هب ودب يسرق
من مفاتنها وجمالها حتى لو نظره ..ويرجع بنظره خائباْ زي ماأرسله
ماقدر يلمح شي منها ولا قدر يعرف كيف لون بشرتها
ولا كيف لون عيونها ولا كيف تقاسيم جسمها ..
حبيباتي :
في زمن كثرت فيه الفتن وكثرت فيه المصاااائب و كشر فيه أعداء الإسلام أنيابهم على
الفتاه المسلمه وبدت سلسلة الغزو على لباسها وحجابها بالأخص وأصبح في هذا الزمن
القابضه على حجابها كالقااااابضه على جمره ..
قال صلى الله عليه وسلم فيما معناه "سيأتي زمن يصبح القابض على دينه كالقاابض على الجمر"
الحين أنتي تقدرين تمسكين جمره وتقبضين عليها بيدينك بدون ألم ؟؟ أتحداااك
لو قلتي إيه بقول اكيد الجمره طافيه<تستظرف
الحين يابنات حنا نصارع الموضه ياانها تنتصر علينا وتمشينا على كيفها ياأننا حنا نمشيها على كيفنا
العبايات الحين اوووووه حدث ولا حرج أشكاااال وأنواااااع فراشه ووطواط وخفاش وبكره ديناصور
يلا اختااااري على كيفك لكن الحجاب الشرعي له صفات ثابته ماتتغير بتغير الموضه
وسبق إني ذكرتها في موضوع أختي أم السعف والليف وياليت لو وحده تعرف تحط لموضوعها رابط
في موضوعي مااااتقصر ..لكن بذكر صفات الحجاب الشرعي مره ثانيه:
1[COLOR="Teal"]-أن يكون ساتر لجميع البدن
2- ان لا يكون شفاف يصف البشره
3-ان يكون فضفاضا واسعا لا يصف مفاتن الجسم
4- ان لا يكون ملفت للنظر [/COLOR]<وهذي أركز عليها
هاااااه كل وحده تشوف توفرت في عبايتها هذي المواصفات ولااااا….لا
ولا وحده حتى أنا معاكم يمكن عبايتي تتوفر فيها بعض هالشروط بس
مهيب كلها أنا النقطه الثالثه ماتوفرت عندي وأنشاااالله من اليوم راح تتوفر فيه
هاه يلا يابنات من تحط يدها بيدي وزي ماقلت أول ماسجلت في المنتدى
"من هنا نبدأ وفي الجنه بإذن الله نلتقي"
يلا يابنات مافيه شي أجمل من أنك تلاقين رفقه صاااالحه يعينونك على فعل الخير
يلا تعالو نحط أيدينا بيدين بعض ونكون كف وااااحده في وجه هذي التحديات
انا متأكده فيه بنات بيقولون صععععععبه روحي ياشيخه ماأقدر ماتعودت على كذا
أمي وخالاتي وعماتي كلهم نفس عبايتي مافيها شي عادي عندهم
بتقولين روحي بس اكيد صديقاتي بيضحكون علي ويحطوني مسخره
تبين الناس تضحك علي
شوفي وش قال أحد الحكماء
"مسكين أبن آدم لوخاف من النار كما يخاف من الفقر لنجا منهما جميعاْ..
ولو رغب في الجنه كما يرغب في الدنيا لفاز بهما جميعاْ..
ولو خاف الله في الباطن كما يخاف الناس في الظاهر لسعد في الدارين جميعاْ.."
شوفي حبيبتي :
خلي لك شخصيه مستقله بذاتك لا تكونين مالك شخصيه وتمشين ورا كلام فلانه وعلانه
ولبس فلانه وعلانه..
على الأقل يضحكون على شي انا متأكده وواثقه في قرارة نفسي أنه صح وفي النهايه
أنا أضحك وهو يبكون أحسن من أني أمشي على الغلط علشان محد يضحك عليه
وفي الأخير انا أبكي حسره وندم …
يلا يابنات ماابي ردود الردودو ماتهمني أهم شي قلب صادق وأفعال ماابي رد بدون فعل
واللي عندها معارضه أو رأي مخالف لكلامي ماعندي مانع قولي رايك ماتدرين يمكن
تقنعينا !! أو حنا نقنعك !!
واللي ماتقدر تحط يدها معنا تقولنا وش الصعوبات اللي منعتها ؟؟
صدقوني يابنات انا مقدره موقفكم ومقدره صعوبة الأمر وزي ماقلت في البدايه مغامره
للي قلوبهم قويه و شااااامخاااات كالجبال العظيمه لا تتزحزح عن الحق..
هاه من تحط يدها معي ونتفق على الحجاب الشرعي ونترك خرابيط الموضه اللي
راح تودينا للهلاااااك والضياع ..
على ماذا الحزن ياغاليه
ثقي بالله إن كنت صادقه وأفرحي بالغد فأنتي تائبه
تفاءلي فالله معك والملائكة يستغفرون لك والجنه تنتظرك ..
أخيراْ وليس آخراْ
"بدأ الإسلام غريباْ وسيعود غريباْ فطوبى للغرباء"
الله يهدينا ويهدي جميييع المسلمييين ياااااااااااارب .. ويزاج الله خير الغالية ..
جعل الله لك في كل حرف كتبييه اجر…الله يستر على بناتنا وخواتنا وبنات المسلمييييييييييييين
بوووركت,,