شحالكم خواتي عساكم بخير
اول شي حبيت اشكر اختي النادره لانها مول ما قصرت وياي وساعدتني وايد
قررت اليوم امشي على نهج خواتي عيناويه11 و lollypop و miyabi واحط يومياتي ف هالموضوع لاني محتاجه تشجيع منكم عسب اكمل الرجيم
وان شاء الله ما بتقصرون
انا وزني بدايه الرجيم كان 73 والحمدلله قدرت انزل 5 كيلوات ووصلت لين 68 وللاسف من اسبوعين وزني ثبت على هالرقم لاني خبصت اشوي وطولي 158
ان شاء الله من باجر ببتدي التزم اكثر وبحطلكم يومياتي كل يوم واذا قدرت بحط الصور بعد
وهالله هالله بالتشجيع الزين
تقرير اليوم
الريوق : شريحتين خيار + بيضه مفوره + خبزه رقاق
بعد الريوق : وي لونغ
الغدى : خبزه رقاق + برتقاله + كم حبه جبن
الظهر : مشيت 15 دقيقه عالجهاز
العصر : مشيت ساعه فالحوي
العشا : صيخ دياي مشوي + كم حبه جبن
وماقصرت فالماي
وان شاء الله اكون نازله باجر
والله يوفجني ويوفج الجميع
فديت قلبج انا
شدي حيلج
ويلا نحن وياااج ^^
والنادرة يزاها الله الف خير مول ما قصرت ^^
يالغالية ابا اطلب منج شي
الجبن تقدرين اتخفين منه شوي؟؟؟ لاني لحظت ع كل وجبة تاكلين جبن…وترا يممتن
والسموحة
المشاركة الأصلية كتبت بواسطة lollypop.84 
فديت قلبج انا
شدي حيلج
ويلا نحن وياااج ^^
والنادرة يزاها الله الف خير مول ما قصرت ^^
بشد حيلي بتشجيعكم ان شاء الله
ويسلموووووو عالمرور المميز نورتي الموضوع خيتو
ولا تحرميني من طلاتج الحلوه
المشاركة الأصلية كتبت بواسطة النادرة يالغالية ابا اطلب منج شي
الجبن تقدرين اتخفين منه شوي؟؟؟ لاني لحظت ع كل وجبة تاكلين جبن…وترا يممتن
والسموحة
هلا فيج اكثر الغاليه
ان شاء الله بقطعه احسن مب ناقصين متن
مسموحه الغاليه
كم طرف ذبوحي عندنا ف المنتدى؟؟ وحدة بسسس^_^