حبيت اشارككم بيومياتي تشجيعا لنفسي وتشجيعا منكم لي وتشجيع مني لكم وللاستفاده لي ولكم
لانني ولله الحمد صار عندي تقريبا تشبع خبرات من الرجيم والرياضه ومن كل شي مارسته من رياضات من مساجات من كريمات من اعشاب من خلطات وحبوب ولا شي فادني فحبيت اختصر طريقه اكلي بزياده الخضروات والفواكه والتخفيف من الدكان والمطعم اللي هو عقدتي واستبدال كل شي كامل الدسم بقليل الدسم او خالي الدسم والرياض هاهم من كل شي في نظامي وبحط لكم صور افضل سيديها ت جربتهن واستفدت منهن بشكل كبير
اللي هو اول واحد
Jillian.Michaels.30.Day.Shred.2008
.Leve l-2-3.
والثاني
Walk Away the Pounds
وطبعا ما استغني عن تمارين الاطاله والمشي والركض ان استطعت لانه جسمي مثل جسم الكمثرى
فبهذا كله انا حابه افتتح موضوع وهو عباره عن تحقيق
هدف من اهدافيومن اهم الاهداف بالنسبه لي
لانه هذا الهدف هو خساره الوزن وتنسيق الجسم
وراه نتايج وها النتايج بتفيدني انا طبعا الا و هي
عباره عن
تنسيق القوام
حسن المظهر
لبس ما اريد بدون حرج
زياده ثقتي بنفسي
بدل ما ادور الملابس اللي تخفي عيوبي اريد ادور الملابس اللي تضهر حلاوه جسمي
اريد اشد جسمي واصغر مقاساتي
ازيد شكلي انوثه واهتمام
وهذا طبعا ولا بنت ما تتمنى تحققه
والهدف ما ايي بسهوله
لازم الشخص يسعى له ويتعب له عشان يستمتع بحلاوه النتايج
ومن تجربتي لكثره الرجيمات انه
ما فيهن فايده الاول سبب خساره فلوسوثاني سبب أي رجيم ينزل الوزن بسرعه يرد دبل
وكلها خدع ونصب واحتيال ونحن ما نصدق نشوف ها العروض انا جربت اكثر عن 6 مراكز تنحيف وجلسات وهذا اللي استفدته خساره فلوس وزياده احباط
وما نتوب
لكن اللي يبا نصيحت مجرب يطب الرجيمات والمراكز النصب والاحتيال على البشر ويزيد على نفسه رياضه ويخف ايده
شوي من الاكل ولا يحرم عمره من شي بس يوازن بين الاكل وانشالله انني بحقق هدفي ولا بتراجع نفس كل مره لانه ها الشي لازم استمر عليه طول عمري ان بغيت احمل وان بغيت اضعف وان بغيت احقق هدفي
ولله الحمد انا الصراحه اعاني حرب طويله مع الوزن الزايد ازيد وانقص النزول صعب والزياده سهله لدرجه انه في اليوم الواحد عادي ازيد كيلو وكيلو على كيلو كم يصير اكيد زياده
وانا ماا اريد ها الشي لها السبب ما اريد احرم نفسي من شي ومن الحين ومن ها الساعه ومن ها الدقيقه ببتدي باذن الله وبقدر
احقق هدفي وكل مره بحط صور تساعد على تشجيعي بشكل اكبر
ويوميا بحط يومياتي لحد ما اوصل لهدفي باذن الله
واتمنى انكم تشجعوني وتساعدوني في تحقيق هدفي وانشالله انه يكون بمقدوري افادتكم
بغض النظرعن الوزن من قبل كم كان وكم صار واتعب نفسيتي لا ها الورقه بشقها من دفتريه
وببتدي بوزني اللي هو حاليا 100 كيلو وطولي 175
اريد انزل من وزني 25 كيلو على الاقل واثبت بالرياضه
وبستمر معاكم انشالله بالصور للاستفاده طبعا وشكرا لحسن متابعتكم وتسعدني ردودكم وشكرا مره اخرى
ان شاء الله توصلين لهدفج
موفقه بإذن الله
المشاركة الأصلية كتبت بواسطة مونتاج 
ان شاء الله توصلين لهدفج
موفقه بإذن الله
صح وانا معاج بس ترا كل ها الشي صعب ويستحق المجازفه والتضحيه من اشياء وايد بس لازم انته تحبب لنفسك ها الشي وتفهمه بالطريقه الصحيحه
وتسلمين حبيبتي على المرور والرد
هذي الصوره للقهوه تساعد على التنحيف هذيلا بقايا اشتراكي من نترشن بستعملهن في برنامجيه مال التخفيف
طعمها مقبول وتساعد في سد الشهيه ولازم تنشرب الصبح على الريج وقبل الاكل بساعه
وانشالله انها بتساعدني
سوري بس ما عرفت شو مشكله الصوره ليش ماطلعت
المهم اسم القهوه جرين كوفي
وان شاء الله مانقصر وياج بالتشجيع.
اهم شي انج تحطيلنا تقاريرج اليومية
ولاتنسين اهم شي الرياضه و الاكل الصحي و الماي. *