من فتره وانا حابه افتح هالموضوع "يوميات أم" طبعا" في البداية الله يرزق كل محروم الذرية الصالحة والله يبارك لنا في اولادنا ويوفقنا في تربيتهم.
"يوميات ام" عباره عن متنفس للام اتعبر فيه عن تجاربها ، يومياتها مع اطفالها، المشاكل الي اتمر فيها، بالمعنى الأصح الروتين اليومي.. خلونا انتبادل الخبرات وانفيد بعضنا والله يوفق الجميع
يالله شدو الهمه وخلكم نشطين يا امهات.gif "12 (62)")
الله يسعد الجميع
ام وربة منزل وعندي ولدين ربي يحفظهم (ولد عمره سنتين وبنت عمرها 5 اسابيع)
طبعا" بما اني والده قريب واجه صعوبه في التعامل مع حياتي اليديده.. ولدي محتاج اهتمام ورعايه والبنوته كذلك وما بننسى ابو العيال والبيت… ان شاءالله احصل تفاعل وانتناقش في يومياتنا وانحاول انتبادل تجاربنا والله يسعد الجميع
انا بعرف عن نفسي..
أم و طالبه عندي بنوته وحده عمرها سنه و ثلاث شهور..
وجريب ان شاء الله بسافر وبشل بنوتي لاول مره..
وماعرف كيف بتعامل وياها فالطياره..أخا اعصب عليها..
أحيانا لو سوت شي يخليني اعصب..
او اني بصرخ فوييها..
امسك عمري و اصرخ صرخه خفيفه وهبله عسب لا اعصب ولا تصيح بنتي..
ههههههههه..طبعا بنتي اتم تضحك و نضحك..
احس انه المسؤووليه صارت اكبر اجابلهم هم لاثنين وحاااول مااقصر بالثانيه
عواش من الظهر حاشرتني تبى تتحنى وديها اليوم العصر تحنت كملت نص ساعه تصيح تبى تغسلهاا
صاارت كركم مب حناااااا
وداانه تتدلع تبى من يجابلها بعد والله كريم وانا وريلي ضاايعين بطوشه من وراهم خاطري اريح يوم بس
بعد مايهونوون علي ^^
المشاركة الأصلية كتبت بواسطة كلي هيبه 
انا بعرف عن نفسي..
أم و طالبه عندي بنوته وحده عمرها سنه و ثلاث شهور..
وجريب ان شاء الله بسافر وبشل بنوتي لاول مره..
وماعرف كيف بتعامل وياها فالطياره..أخا اعصب عليها..
أحيانا لو سوت شي يخليني اعصب..
او اني بصرخ فوييها..
امسك عمري و اصرخ صرخه خفيفه وهبله عسب لا اعصب ولا تصيح بنتي..
ههههههههه..طبعا بنتي اتم تضحك و نضحك..
هلا اختي.. بالنسبه لبنتج حاولي تاخذين معاج اشياء تسليها وتلهيها مثل العاب و بسكوت ولو انه صعب التحكم فيهم في الطياره بتم طفرانه ومتملله.. اذا الكبير يمل ويطفر وين الصغير.. الله يسهل سفرتكم وترجعون بالسلامه
المشاركة الأصلية كتبت بواسطة أم عاشوه احس انه المسؤووليه صارت اكبر اجابلهم هم لاثنين وحاااول مااقصر بالثانيه
عواش من الظهر حاشرتني تبى تتحنى وديها اليوم العصر تحنت كملت نص ساعه تصيح تبى تغسلهاا
صاارت كركم مب حناااااا
وداانه تتدلع تبى من يجابلها بعد والله كريم وانا وريلي ضاايعين بطوشه من وراهم خاطري اريح يوم بس
بعد مايهونوون علي ^^
ما شاءالله عليهن حلوااات البنوتات.. تبين الصدق ما بنرتاح وبنجابل اعمارنا الا لين يكبرون هالعيال ويعتمدون ع نفسهم والله يسهلها ان شاءالله
وايد متعبتنـي فرقـادها ـ معانـاة كـل يوم حزة الرقـاد و تنش فـوق الـ10 مرات فـليل صدق تعـب
.
.
أما بالـنسبة للبيت / ساكنه ويـا اهل ريـلي و كل شي الحمدالله مرتاحـة فيه
^^
وشو الصعوبات اللي تواجهونها
انا ان شاء الله يوم بعرس وبيكون عندي عيال ان شاء الله بسوي لي "مفكرة العائلة"
ادعوا لي بزوج طيب..