ابا اسال كم سوال و بليز ردو عليه مب عارفه شو اسوي
في ناس بيون بيتنا ايشوفوني فا ابا اعرف شو البس و وكيف كان مكياجكم و شو نحطلهم و متى انزل عندهم بليز ساعدوني ماعرف شي في هل سوالف عشان انا اول وحده فل بيت ايون ايشوفوني ناس ماعندنا حد عرس فل بيت
ساعدوني في كل شي اذا ترومون
و مشكورين
الميكب خفيف جحال وشدو فاتح وبلاشر طبيعي وغلوس ولا تنزلين الا يوم تزقرج الوالدة
الله يوفقج ان شاء الله
ان شالله البنات يساعدنج
ماعندي خبره
مثل ما قالن البنات قبلي .. جلابية غاوية أو مغربية مش مبالغ فيها ومكيب خفييييف 
ولاتدشين إلا يوم يزقرونج وما تكونين فاستقبال الحريم مع باجي أهلج ^^
ربي يحفظج
الحريم ييون بعد المغرب اكيد واحيانا يتمووون للعشا وها شي ضروري،،
قدمموولهم العصاير والفواله ووعقب مايسوولفون لفتره خلي وحده من اهلج خواتج او خالتج تدخلج عليهم قبل العشا بشويه او عشر دقايق عشان عقب تردين تطلعين حزة ماتحطون العشا .. لأنه احس احلى انج ماتيلسيين وايد عندهم ..
تقدرين تتعشين وياهم وفي ناس مايخلون البنت تتعشى مع الحريم .. بعد العشى عطووهم جاي حليب او جاي احمر لأنه الجو باادي يبررد احينه .. وعقب المدخن والعطوور
بالنسبه للبسج خلج هااديه وطبيعيه حطي ميك اب هاادي ولبسي اي شي عندج تحسينه محتشم وفخم في نفس الوقت .. مثل ماقالت الاخت مغربيه او ثوب كويتي او جلابيه فخمه ..
وشعرج تقدرين تلمينه وتقدرين تخلينه مفتوح ..ااهم شي كوني على طبييعتج وربي يوووفقج ويرزقج ولد الحلال يااارب ..