مساعده خواتي شقق فندقيه في الكويت 2024.

طلبتنكم طلبه انا سايره باجازة العيد الكويت وحابه اذا حد منكم يعرف شقق فندقيه في الكويت وكم اسعارهم …….

موفقة ياااااااارب حبيبيتي

أنا بعد بإّذن الله ..
وإذا فيه فنادق حلوه 5 ستار بعد يكون أفضل..

مساء الخير

الصراحة فيه شقق فندقية في شارع المطاعم في السالمية اسمه بودل حلو واسعاره حلوه بس ما ادكر ع كم

صح الشقق الفندقيه بودل بعد انا سمعت عنها وتقدرين تكتبين في القوقل واجوفين موقعهم والصور وايد حلو ومرتب واسعارهم بين 30 الى 50 دينار كويتي

السلام عليكم
هلا والله حبيبتي وحياج الله بديرتج الكويت
طبعا الطلب دايما على الشقق الفندقية اللي بالسالمية وفيه ناس تحب تحجز بالفروانية عشان تكون قريبة من مجمعات الدراريع والعبي
المهم فعلا بودل عليه طلب من اخوانا الخليجين بس حبيت انبهج انه في له فرعين واحد في شارع المطاعم وواحد يم المجمعات المعروفة ولاثنين بالسالمية وفي شقق اسمها كورنيشن حلو موقعه
هذي بعض الشقق الفندقية بمنطقة السالمية اختاري الي يناسبج منها وانا اعتقد تسكنين بالسالمية احسن لان اغلب المولات فيها
دريم ان خلف دانا سنتر في وسط السوق يعني تروحين مشي بهالجو الحلو 25745566
كورنيش مقابل المرينا مباشرة ويطل على البحر 25740006
بودل في شارع المطاعم حق الرجيم كل المطاعم حولينج 25757999
وحياج الله واي استفسار حاضرين في خدمة ضيوف الكويت الحبيبة
بس نصيحة لا تجين الكويت بالعيد الا لما تضمنين شقة من كثر السياح الخليجين اللي يجونا في فترة الجو الحلو
ولاتنسين تخلين معاج جاكيت احتياط

مشكورة أختي نيرة الذهب