حبيت أستفسر عن فيزة المانيا و لندن السنه شوه نظامهم؟
يعني السنه اللي طافت نحن سوينا فيزة المانيا من مكتب السفر و السياحه مع التذاكر و الحمدالله الفيز صالحات بس شخص واحد منا فيزته إنتهت… شوه ترتيبهم ممكن إنسويهم مع التذاكر في مكتب السفر و السياحه؟
و لندن السنه اللي طافت سرنا شخصيا للسفاره البريطانيه في دبي وبعد ما طبعنا لاستمارات من موقعهم في النت وخذناهم و يانا وطبعا لازم بصمت العين…بس ما اعرف شوه ترتيبهم السنه؟؟
ياليت اللي إتعرف إتفيدنا فديتكم
وإذا من النت نملئ إستمارات لندن ياليت أتذكروني بالخطوات؟ و بلنك ملئ إستمارات لندن؟
في إنتظــــــــــــــــــــاركم خواتي
اما لندن اذكر قبل سنتين تروحين عندهم ويعبون لج البيانات(انا كنت ماخذه خدمة كبار الشخصيات) ويخلونج تسوين البصمه – سفارة لندن لازم بصمه
لازم تنزلين الفورم وتعبينه فالبيت احسن ،،
ةفي خانه تختارين فيها الموعد عشان ما تترين وبيريحج وووايد الموعد بس تحطيلهم رقم الطلب واسم الشخص الي في الطلب
وبتطلعلج التواريخ المتوفره وعقب الوقت ،،
ووكل هذا في الموقع موجود وتسيرين هناك وقت موعدج وتسوين بصمة العين ومراات يسألونج اسئله بسيطه
اما لندن تعبين الاستماره من النت واذا مالج خلق حذال مكتب تاشيره فيه مكتب يعبيلج اياه 85 درهم خلال 10 دقايق وعن السعر 455 درهم بموعد واذا ماعندج موعد 455 + 250 = 705 + الارامكس وياخذ 3 لين 4 تيام صراحه انا رحت vip والعادى كلهم نفس الشي الشي المختلف البصمه انه هناك بسرعه تدخلين اما العادى يكون جدامج 4 اشخاص نصيحه من الصبح روحى وكان سهالات طبعا ها سعر مال 6 شهور