السفر وعيالي!! 2024.

السلام عليكم حبابي قلبي
انا ان شاء الله مسافره لألمانيا والنمسا وسويسرا بإذن الله تاريخ 7شهر 4 بإذن الله
وعندي طفلين خمس شهور وسنتين ونص وايد متخوفه اول مره أسافر وبو سنتين ونص وايد حركي يعني يوم نطلع يسير عنه يركض بعيد ينسدح ع البلاط وخايفه يمرضون فابا نصائحكم كيف تضبطون عيالكم فالسفر وتعاملونهم ووتستانسون ويستانسون !!!

أحسهم صغار والسفر مع الأطفال واايد متعب أكلمج عن تجربه سافرت ويا. عيالي قبل وتبهدلت بنتي كانت وحده سنتين والثانيه ثلاث سنين وطلعولي قرؤووووون وربئ يفضل تخلينهم عند حد ثقه هني وتسيرون وتستانسون وتردون بالسلامه الله يوفقكم

انا اذا بسافر مع ولديه احسب حسابي يكون معايه حد من خواتي يساعدني
لانه بروحج بتتعبين وبتحسين عمرج في السفره ما استانستي كله مع العيال
خذي خدامتج معاج لو تقدريني أو قسمي مع ريلج المسؤوليات بحيث تساعدون بعض
ولازم تاخذين معاج أشياء تلهي الياهل شرات الايباد فيه رسوم وألعاب وأغاني للأطفال يعني هالسوالف

وربي يوفقج

وعليكم السلام

حبيبتي اشتري السير الي تركبينه في ايد الولد وفي ايدج وخليه قصير عشان ما يركض عنج وحصنيهم وسفره موفقه ان شاء الله

شوفي انا مع الخوات شوفي حد ثقة وحطية عدهم رعونة ويهتمون فية
بس اذا تبغينة يكون معاج في السفرية اعملي حسابج علي الركض واحسن تلبسين انعال رياضة هههههههههههههههه لانةطفل هو بعد بيحس انة الاجواء اتغيرت ويبغي يستمتع فلا اتفكرين في موضوع الكنترول لانة صعب رتب الامور مع زوجج هو يهتم بالي عمرة 2 وانتي بالياهل الصغير والريال بيقدر علي الركضة وراه واللعب معاه في كل مكان عكسج لانج بتكونين معي البيبي الثاني
الله معاج مع اني احس مجهود واشياء وايد مابتستانسين فيها

خليهم مع امج لانهم صغار وايد

تعب تعب وايد .. صدقيني ما بتستانسين ..انا مجربه .. اقولج الحل / عالاقل شلي البيبي وخلي الاكبر عند اهلج ووصيهم عليه .. بالتوفيق ان شاءالله