شحالكم؟
ربكم بخير !
..
اليوم منزلتلكم الجزء الثالث و الاخير من صور المانيا
هو الصور وااااايد لكن كم بحط لووول
..
كنا رايحين حديقه حيوانات عشان جيه اخترت اللون الاخضر للكلام عشان تعيشون جوو السفااري هع هع
و عقبها رحنا نتمنظر في بحيرات~
و ركبنا قووارب في وحده منهن ..
هالمره كنت احسن من اللي قبلها و قدرت استمتع بوقتي ههههه
بسني من الكلام اللي ما يخلص .. و بحط لكم الصور ~
أول شي عقب ما تغدينا .. رحنا حديقه الحيوانات تبعد 15 دقيقه عن الشقه ..
و يوم دخلنا اول حيوان لقيناه كااان البط.. في شي نحط فيه فلوس و يطلع لنا اكل و نأكلهن حليلهن فرحانات ~
وو عقب شفناا أرانب بريه .. شكلهن غريب و يمشن ع ريولهن الاربع ..سبحان الله ]
تعرفوون في الرسوم المتحركه .. شي هذا اللي ياكل سماسيم .. و جااان اشوفه ع الطبيعه .. لكنه بعييد يعني يبالكم تبحلقوون عشان تشووفنه ..هع هع >> اتخيل اشكالكم
اكثر شي في الحديقه اولا البط و ثانيا القرووووووووود .. عفتهن من كثرهن مصوره وايد لكن هاذيلا حبيتهن كيوووت اللي فووق بالاخص ~
في بعد رسوم متحركه << وحليلنا كله نشوفه في الرسوم بس >> اللي يسموونه تاكي .. هاذا هوو على ما اعتقد لوول..
و بعدين شفنا الذيب ..محلاااااته ..
و هااذا الدب في خاطريه اصك شعره .. شكله نعييم ..
و هاذيلا الحلوين الغزلان ..يخبلووووون كيووت ..كنا نقدر ندخل عندهم بس امي ما خلتناا ..
واايد حيوانات صورت لكن قلت بحط اللي عيبني ..
و عقب سرناا البحيرات ..انتووا شوفو الجو محلاه .. كاان بررررد و مهب شوي بعد عشان نثلج زين ..
هني للي يريد يركب القوارب .. لكن نحن ما ركبنا في هاذي البحيره .. كان في غيرها ..~
هني و نحن في القارب يلست اصوور بس قلت بحط صوره وحده << مش من البخل لكن شو اسوي خخخخ..حطيت ايدي في الماي و بااااارد قلت لهم هذا لو طحنا فيه بنجمد …خاطري اسبح في لكن اخاف تعضني سمجه لووول ..
و عقب رحنا ناكل .. نسد يوووعنا … اشترينا وايد اكل بس ما قدرت اصور كل شي .. لانه سوو هجووووم عليه ..
صراحه الجبس مالهم لذيذ هب شرات مالنا …و اخويه يحط الكاتشب عليه و دقيقه و خلص الصحن ماشاء الله .. هههههه
عااااااد الحلوياات جنااااااااان ..مع اني ما اكل حلويات لكن هنااك لازم اكل لوول… انتوا تشهووو بس انا كلته و خلصت << نذله ..
و مشروووبي المفضل Hot Chocolate لازم وين ما اروح اشربه .. و في الطياااره ما اشرب غيره عندي ادمان عليه بشكل غريب لووول..ما انلام صراحه هع هع
بما أنه هذا آخر جزء أنزله عن رحلتيه لـ ألمانيا .. لازم احط لكم صووره من الطياره و نحن رادين الامارات..لازم تستوي ضراابه منو يقعد عند الدريشه.. لانه مناظر ما تتفوت من فوووق ..
و جيه أكون خلصت موضوعي عن ألماانيا … شووو رااايكم ؟؟ خص اللي تابع من البدايه للنهايه يقول رايه بصراحه ~
أترياا منكم ردوودكم الحلوه ..
أختكم MxM
THE END
مشكوووره اختي M×M ع الصــور الحلــوه
عليكم بالف عافيه حبيبتي
المشاركة الأصلية كتبت بواسطة MxM 
واايد حيوانات صورت لكن قلت بحط اللي عيبني ..
و عقب سرناا البحيرات ..انتووا شوفو الجو محلاه .. كاان بررررد و مهب شوي بعد عشان نثلج زين ..
تسلمين ختيه على التقرير .. ملاحظه : هذه بحيرة زيل لم سيه في النمساء وليست من بحيرات المانيا .. والسموحه عالقصور
بس الغاليه انتوا كنتوا في ميونخ في حديقه الحيوان بعدين سرتوا ركبتوا القوارب في اي بحيره ؟؟ لان انتي حاطه بحيرة زيلامسي يعني طلعتوا وسرتوا زيلامسي ولا كيف ..
ومشكووووووووره
رحنا ع بحيره تبعد 50 كيلو من ميونخ
و بعدين رحنا ع البحيره الي في زيلامسي
تسلمون ع المرور
تعليقاتكم لو سمحتوا
والله تعبت ع الموضوع