شلونكم
كيف احوالكم ؟؟
حاولت ارمس اماراتي بس ماهرفت
السموحه
الله يعافيكم يوم السبت24-5 انا ان شاء الله نازله دبي
ابي اعرف احلى الاماكن السياحيه عندكم
لاني ماراح اطول 6 ايام بس
واحلى المجمعات
والاسواق الي اشتري منها هدايا باسعار رخيييييييصه لان ماشاء الله عايلتي كبيره منو بعطي ومنو بخلي
وابي المحلات هذي وين الاقيها
bebe ابي منها شنط يد
victoria sicret مو موجود في الكويت بس عندنا عطور وكريمات
وابي اماكن عبي اسعارها حلوه مو نفس حناين والمتجبه لأ غير غير
لاني بخمط واااااايد عبي للدوام علشان جذي ابي اسعارها حلوه
وابي احلللللى المطاعم والكافيهات عندكم والرحلات وخصوصا الرومانسيه وييين؟؟
واسفه طولت عليكم بطلباتي
الاسواق مول الامارات وبن بطوطة وسيتي سنتر في دبي وعدج مركز اوت ليت مول مركز يديد فاتح حد يمدحه وحد يذمه بس المعظم يقول انه رخييييييص
وصحارى مول وميغا مول في الشارقة هذيل روعة وانا احب اسيرهم دايما
محل كشخة بلازا وايد حلو
وللعبي عندج مركز بوهيل مركز كامل تقريبا كله عبي ومب غالي يمكن تلاقين فيه اشياء على ذوقج
احلى الاماكن سكي دبي
قناة القصباء في الشارقة
احلى المطاعم قصر الهند في دبي
بر وبحر في الشارقة
هذا اللي اذكرته الحين لاني مستعيلة
عندج مراكز(امارات مول+سيتي سنتر+وافي+فيستفال سنتر) بصراحه روعه
وغذا عن العبي(اذا كنتي تبين عبايه رخيصه من مركز بوهيل) لان كل تقليد وبصراحه روعه وخاصتنا اذا عندج موديل غالي وتبين اتسوين تقليد منه بيسويلج رخيص من محل سويت ليدي. وعندج في الشارجه محل دار الوعد وبعد روووووووووووووووعه بس اشوي غالي وتقريبا اسعارهم 1500.
واذا عن الاماكن السياحيه وفي نفس الوقت رومانسيه عندج فندق القصر+ميناء السلام+مارينا(هذيل فنادق وكنا انروح مع ربيعاتنا المسى ونتعشى هناك ومب غالي وايد وفي بحر وفيه الاسواق وكل شيء وبيعجبج وفيه كافيه ولا تظنين هذيل فنادق بس للرقاد لا، لانا كنا نتمشى فيه.
وعندنا نادي سيدات في دبي وفي السباحه ومساج وصالون في جميرا وبحر وكل شيء وبشوفين وااااااااااايد مواطنات ويتعدلون وكشخه ويسبحون.
وعندنا واد وادي وكل الخميس يكون للنساء ويتجمعون الامارتيات والكويتيات والبحرينيات ومعظم الدول وعباره عن الالعاب مائيه وبس في الصيف
ومطاعم،، عندج القيصر واكل هندي وصيني وايراني،،، وقصر الهند،،،، واذا تبين اكلات سريعه مثل همبرجر عندنا جوني روكدس في جميرا بس وبصراحه روعه، واكثر المطاعم بتلقون في شارع الشيخ زايد
واذا في شيء واصلي معاي وبحاول افيدج وصدقيني بتنورين المكان
مشكوره حبيبتي لاخلا ولاعدم وهذا العشم فيكم يابنات الامارات
ماتقصرين يالغاليه ودبي منوره باهلها
وان شاء الله كل الي قلتوه كتبته وبمر اشوف
ان شاء الله بس يمدي امرهم بهالايام
ونااااطره باجي اقتراحات البنات بليييييييز
والمحلات الي ذكرتهم وين القاهم اي مولات؟؟
المشكله انا من ابوظبي وماعرف وايد اماكن في دبي
بس ان شاء الله بساعدج باللي اعرفه
شوفي طال عمرج الامكان السياحيه والحلوووه في دبي الصراحه عندج هذه المجمعات :
1- مول ابن بطوطه >> وايد حلو وتصميمه من داخل روعه عندج التصميم الاندلسي ، الهندي ، الصيني.
2- مول الفيستيفال >> هذا يديد وصج وايد حلو .. ويقولون فيه قوارب تركبينها .. وتصميمه روعه من داخل شوي اروربي .. ومحلاته راح تتخبلين عليها ^_^
3- جميرا بعد مكان حلو ورومانسي اعتقد ^^
bebe ابي منها شنط يد
victoria sicret مو موجود في الكويت بس عندنا عطور وكريمات
والله ماعرف يالغاليه
وابي اماكن عبي اسعارها حلوه مو نفس حناين والمتجبه لأ غير غير
لاني بخمط واااااايد عبي للدوام علشان جذي ابي اسعارها حلوه
اها .. في دبي انا اعرف مكان وايد زين للعبي واسعاره الصراحه مناسبه وايد ^_^ ممكن تسوين لج منه جم عباة .. اسم المحل ( بو هيل ) .. ولو انج بتيين بوظبي في محل اسعاره منااااسبه وايد .. اختي سووت لها 3 عبي حلوه منه بـ850 درهم بس ^__^ وحلويين والله
وابي احلللللى المطاعم والكافيهات عندكم والرحلات وخصوصا الرومانسيه وييين؟؟
المطاعم … اممممممم
في امارات مول راح تحصلين مطاعم وايد حلوه هذا اللي اعرفه ^_^
وفي ابن بطوطه عندج كوفي هيديارد روووووعه ^__^
ولو فكرتي اتيين بوظبي حياج الله انا بعطيج اسامي المطاعم والاماكن ^_^ ..
وحياج الله
ماضنتي ريلي يرضى نروح ابوظبي لان بنقعد بس 6 ايام